बारामती : महान्यूज लाईव्ह
येथील विद्या प्रतिष्ठानच्या कला, विज्ञान व वाणिज्य महाविद्यालयाचे बीबीए(सीए) या विभागामार्फत राज्यस्तरीय अंतरमहाविद्यालय विविध स्पर्धा VidyaTech २०२५ चे २१ फेब्रूवारी २०२५ रोजी आयोजन करण्यात आले होते. या स्पर्धेत पुणे, नगर, सोलापूर सातारा इ. या जिल्ह्यामधून विविध महाविद्यालयातील बी. बी. ए. (सी. ए.), बी. सी. ए. (सायन्स ) आणि बी. एस. सी.(कॉम्पुटर सायन्स),बी कॉम (आय.टी.) विभागाच्या 339 विद्यार्थ्यांनी सहभाग नोंदवला.
विद्यार्थ्यांनी या स्पर्धेत आपल्या विविध कौशल्यांचे सादरीकरण केले. यामध्ये पोस्टर प्रेझेंटेशन, प्रोग्रामिंग वॉर, प्रोजेक्ट प्रेसेंटेशन आणि प्रश्नमंजुषा फेरी अश्या स्पर्धांचे आयोजित करण्यात आले होते. या स्पर्धेसाठी प्रा.सचिन महाजन, पद्मश्री विखे पाटील ए.एस.सी कॉलेज, प्रवरानगर, प्रा. भास्कर रासकर, बाळासाहेब देसाई कॉलेज पाटण, प्रा. विठ्ठल रूपनवर, मुधोजी कॉलेज, फलटण, प्रा. स्वप्नील जाधवराव व प्रा. मेघा काळे, वाघिरे महाविद्यालय सासवड व प्रा. प्रियांका वाघोले, एकनाथ दिवेकर ए.एस.सी कॉलेज, वरवंड हे या स्पर्धेला परीक्षक होते.
या स्पर्धेत पोस्टर प्रेझेंटेशनमध्ये पाटणच्या बाळासाहेब देसाई महाविद्यालयाच्या नमीरा सावर्डेकर हिने प्रथम क्रमांक, तर फलटणच्या मुधोजी महाविद्यालयातील मोहिनी बोराटे हिने द्वितीय क्रमांक, बारामतीच्या विद्या प्रतिष्ठानच्या प्रतीक्षा चोरमले व मयुरी वाळूंज यांना तृतीय क्रमांक मिळाला तर प्रोजेक्ट प्रेझेंटेशनमध्ये बारामतीच्या विद्या प्रतिष्ठानच्या ऋतुजा संतोष डोंगरे व अनुष्का संतोष चोरगे यांना प्रथम क्रमांक, तुळजाराम चतुरचंद महाविद्यालयाच्या रोहन अशोक आटोळे याने द्वितीय तर बारामती विद्या प्रतिष्ठानच्या ओमकार पवार व प्रणव ताकवणे यांना तृतीय क्रमांक मिळाला.
प्रोग्रामिंग वॉरमध्ये बारामतीच्या विद्या प्रतिष्ठानच्या रोहन देयचौधरी याने प्रथम, जठार सुजल याने द्वितीय तर उदय सूर्यवंशी याने तृतीय क्रमांक मिळवला. प्रश्नमंजुषा स्पर्धेमध्ये विद्या प्रतिष्ठान महाविद्यालयाचे पायल शत्रुघ्न शितोळे प्रथम क्रमांक, करुणा काळूराम रंधवे द्वितीय तर श्रेया जगताप हिने तृतीय क्रमांक मिळवला.
बक्षीस वितरण कार्यक्रमास महाविद्यालयाचे डॉ.विलास कर्डिले, प्राचार्य डॉ. भरत शिंदे, उपप्राचार्य डॉ. लालासाहेब काशीद, उपप्राचार्य डॉ. घाडगे, विभाग प्रमुख महेश पवार. नीलिमा पेंढारकर, आय. क्यू. ए. सी. समन्वयक, गजानन जोशी, किशोर ढाणे आदी उपस्थित होते. यशस्वी विद्यार्थ्यांना रोख रक्कम, स्मृतिचिन्ह, पदक व प्रमाणपत्र देऊन गौरविण्यात आले.
उदघाटन प्रसंगी प्रमुख पाहुणे एम आयडीसीचे प्रादेशिक अधिकारी हनुमंत पाटील यांनी विद्यार्थ्यांनी आपल मन, मस्तक आणि मनगट तयार करायला हव याचा भविष्यातील असणाऱ्या करिअर संधी मिळवण्यासाठी उपयोग होईल अशी माहिती दिली व वेगवेगळ्या उपक्रमात सहभागी होऊन जिंकलो/ हरलोपेक्षा इतर कौशल्यांचाही विकास करण्यासाठी प्रयत्न करण्याचा सल्ला दिला.
अध्यक्षीय भाषणात प्राचार्य डॉ.भरत शिंदे यांनी स्पर्धेचे, स्पर्धकांचे आणि आयोजक बी.बी. ए.(सीए) विभागाचे कौतुक केले. सर्व स्पर्धकानी आपल्या सहभागामधील आनंद शोधला पाहिजे आणि तो आनंद आपल्या शैक्षणिक वाटचालीत कायम ठेवला पाहिजे असे मत व्यक्त केले. प्रा.विशाल शिंदे यांनी त्यांच्या प्रास्ताविकात विभागामार्फत होणाऱ्या वेगवेगळ्या विद्यार्थी पूरक उपक्रमाची माहिती दिली.
या स्पर्धेला विद्या प्रतिष्ठानच्या विश्वस्त सुनेत्रा पवार, उपाध्यक्ष ॲड. अशोक प्रभुणे, खजिनदार युगेंद्र पवार, सचिव ॲड. निलिमा गुजर, डॉ. राजीव शाह, किरण गुजर, मंदार चिकाची, रजिस्ट्रार श्रीश कंबोज तसेच महाविद्यालयाचे प्राचार्य डॉ. भरत शिंदे व उपप्राचार्य डॉ. शामराव घाडगे व उपप्राचार्य लालासो काशीद यांनी मार्गदर्शन केले. या स्पर्धेचे सूत्रसंचालन पूनम गुंजवटे यांनी केले, परिचय प्रा. अनिल काळोखे यांनी तर आभार प्रा. अक्षय भोसले यांनी मानले. स्पर्धेचे नियोजन करण्यात प्रा.अक्षय भोसले, प्रा. वैशाली पेंढारकर, प्रा. कांचन खीरे,प्रा. अक्षय शिंदे व त्यांच्या सहकाऱ्यांनी नियोजन केले.
