विक्रम वरे : महान्यूज लाईव्ह
बारामती : बदलत्या जीवनशैलीमुळे वंदत्वाचा प्रमाण दिवसेंदिवस वाढत आहे या वंदत्वावर मात करण्यासाठी आधुनिक काळातील आयव्हीएफ म्हणजेच टेस्ट ट्यूब बेबी हा पर्याय अलीकडच्या काळात निगडीचा वाटू लागला आहे. अशावेळी योग्य उपचार व अत्याधुनिक तंत्रज्ञान व अनुभवाच्या जोरावर येथील श्री चैतन्य टेस्ट ट्यूब बेबी सेंटरच्या उपचार प्रणालीमुळे राज्यातील हजारो दांपत्यांना अपत्यसुखाचा आनंद मिळाला असे डॉ आशिष जळक यांनी सांगितले.
१५ ऑगस्ट २०२२ ते १५ ऑगस्ट २०२३ च्या दरम्यान श्री चैतन्य टेस्ट बेबी सेंटर बारामती व सांगोला सेंटर च्या नोंदणी केलेल्या जोडप्यामधून भाग्यवान ठरलेल्या ७५ जोडप्यांना मोफत टेस्ट ट्यूब बेबी उपचार दिले जाणार आहेत. या कार्यक्रमावेळी डॉक्टर आशिष जळक बोलत होते. या प्रसंगी बँक ऑफ महाराष्ट्र चे माजी वरिष्ठ प्रबंधक काशिनाथ जळक, सुमन जळक, डॉ प्रियांका जळक, डॉ दत्तात्रय पाटील, डॉ अनुराधा अनमुले, डॉ. सुहासिनी सोनवले व रोहन भोसले आणि सांगोला ब बारामतीतील रुग्ण, त्यांचे नातेवाईक उपस्थित होते.
मोठ्या शहरात महागडी उपचार पद्धती असल्याने ग्रामीण भागातील रुग्णाची गैरसोय होते, ते लक्षात घेऊन माफक दरात म्हणजेच ६५ हजारात उपचार व ३५ हजारात मेडिकल खर्च असे एकूण फक्त १ लाखात आय. व्ही. एफ. उपचार बारामतीत केले जात आहेत, जोडीला सामाजिक बांधिलकी म्हणून श्री चैतन्य मातृत्व योजना २०२२-२३ योजनेअंतर्गत भाग्यवान विजेत्या ७५ रुग्णांना मोफत सेवा देणार असल्याचे डॉ आशिष जळक यांनी सांगितले.
अनेक वर्षे अपत्ये नसल्याने अनेक ठिकाणी उपचार घेतले, भरपूर पैसा खर्च झाला, वेळ वाया गेला, परंतु डॉ आशिष जळक यांच्या अचूक उपचार व मार्गदर्शन मुळे अपत्य प्राप्ती झाल्याने आनंदी व समाधानी जीवन प्राप्त झाल्याचे अनेक जोडप्यानी मनोगत मध्ये सांगितले.
बारामती सेन्टर चे ६५ व सांगोला सेन्टर चे १० असे ७५ जोडप्यांचा नंबर मान्यवर व रुग्णाच्या हस्ते काढण्यात आला. सूत्रसंचालन अनिल सावळे पाटील यांनी केले तर आभार राहुल तुपे यांनी मानले.
