दौंड : महान्यूज लाईव्ह
दौंड तालुक्यातुन गेलेल्या प्रमुख जिल्हा मार्गाच्या दुरुस्ती व मजबुती करण्यासाठी सुमारे ५२ कोटी रुपयांचा निधी राज्याच्या जुलै २०२३ च्या पुरवणी अर्थसंकल्पीय (पावसाळी) अधिवेशनात मंजूर करण्यात आला, ही माहिती आमदार राहुल कुल यांनी दिली.
दौंड तालुक्यातील काही प्रमुख जिल्हा मार्गाच्या दुरुस्ती व मजबुती करणासाठी निधी मिळावा यासाठी आमदार राहुल कुल यांनी राज्याचे उपमुख्यमंत्री देवेंद्र फडणवीस व सार्वजनिक बांधकाम मंत्री रवींद्र चव्हाण यांच्याकडे पाठपुरावा केला होता.
त्यांच्या या पाठपुराव्याला यश आले. तालुक्यातील बोरीबेल दौंड शुगर रस्ता ते धुमाळवस्ती, आलेगाव ते कदमवस्ती ते हिंगणीबेर्डी, कदमवस्ती ते देऊळगाव राजे रस्त्याची सुधारणा करणे 21 कोटी , शिंदेनगर ते राहु शाळा रस्त्याची सुधारणा करणे 3 कोटी 50 लक्ष, पडवी ते माळवाडी रस्त्याची सुधारणा करणे 4 कोटी, बोरीऐदी ते डांळीब गावाजवळ पर्यंत रस्त्याची सुधारणा करणे 3 कोटी 50 लक्ष,
पांढरेवाडी ते कुरकुंभ रस्त्याची सुधारणा करणे 2 कोटी 50 लक्ष, सुर्वे वस्ती ते फडके वस्ती रस्त्याची सुधारणा करणे 5 कोटी, भोसले चौक उंडवडी ते लडकतवाडी ते खुटबाव रस्त्याची सुधारणा करणे 5 कोटी, मिरवडी ते दहिटणेपर्यंत रस्त्याची सुधारणा करणे 1 कोटी 50 लक्ष, कुरकुंभ ते कौठडी रस्त्याची सुधारणा करणे 2 कोटी, नानवीज ते गार रस्त्याची सुधारणा करणे 2 कोटी, गिरिम ते धनगरवस्ती गिरिम रस्त्याची सुधारणा करणे 2 कोटी अशा एकूण ५२ कोटींचा निधी मंजूर करण्यात आला आहे.
मंजूर झालेल्या या रस्त्यांची कामे सार्वजनिक बांधकाम पूर्व विभाग पुणे यांच्या देखरेखीखाली करण्यात येणार असून लवकरच या कामाची निविदा प्रक्रिया पूर्ण करून कामाला प्रत्यक्ष सुरुवात केली जाणार आहे. अशी माहिती आमदार कुल यांनी दिली.
