बारामती : महान्यूज लाईव्ह
राज्यातील एमबीबीएस व बीडीएस प्रवेशाची प्रक्रिया अंतिम टप्प्यात आहे. या प्रवेशाची अंतिम तिसरी फेरी 25 मार्च 2022 रोजी जाहीर झालेली आहे. मात्र यामध्ये प्रवेश घेण्याची मुदत 25 मार्च ते 30 मार्च 2022 पर्यंतच आहे. अर्थात यामध्ये काही दिवस बॅंक कामकाज बंद असल्याने व फक्त दोनच दिवस मिळणार असल्याने विद्यार्थ्यांचे मोठे नुकसान होण्याची शक्यता आहे. (The process of MBBS and BDS admission in the state is in the final stage. The final third round of admissions is announced on March 25, 2022. However, the deadline for admission is March 25 to March 30, 2022. Of course, there is a possibility of huge loss to the students as the bank is closed for a few days and they will get only two days.)
त्यामुळे विद्यार्थी व पालकांसाठी एमबीबीएस व बीडीएस अंतिम टप्प्यातील प्रवेश शुल्क हे डिमांड ड्राफ्ट ऐवजी तात्पुरत्या स्वरूपात शेजारी स्वीकारावेत व डिमांड ड्राफ्ट देण्यासाठी मुदत वाढवून द्यावी अशी मागणी प्रवेश प्रक्रिया व करिअर मार्गदर्शक हेमचंद्र शिंदे यांनी मुख्यमंत्री उद्धव ठाकरे व राज्य सामायिक प्रवेश परीक्षा कक्षाच्या आयुक्तांकडे केली आहे.
या संदर्भात हेमचंद्र शिंदे यांनी दिलेल्या पत्रानुसार अल्प कालावधीमध्ये यापूर्वी मिळालेला प्रवेश प्रथम प्रवेश रद्द करण्यासाठी विद्यार्थ्यांना किमान 300 ते 800 किलोमीटरचा प्रवास करून पूर्वीचा प्रवेश पहिल्यांदा सोडावा लागेल. तेथील कागदपत्रे व डिमांड ड्राफ्ट परत घ्यावा लागेल. पुन्हा नव्याने डिमांड ड्राफ्ट काढावा लागेल आणि नंतर नवीन संस्थेत जाऊन प्रवेश घ्यावा लागणार आहे.
या सगळ्या गोष्टीसाठी काही दिवस लागतात आणि यामध्ये अत्यंत महत्त्वाची बाब म्हणजे डिमांड ड्राफ्ट हा कमीत कमी १ लाख व खाजगी कॉलेजमध्ये जास्तीत जास्त १६ लाखापर्यंत तसेच तेथील शैक्षणिक शुल्क व वस्तीगृहाचे दोन डिमांड ड्राफ्ट स्वतंत्रपणे काढावे लागतात ही वस्तुस्थिती लक्षात घेता विद्यार्थी व पालकांना प्रचंड मनस्ताप होण्याची शक्यता आहे.
याचे कारण देताना शिंदे आणि नमूद केले आहे की, 25 मार्च रोजी तरी यादीच जाहीर झाली. त्या दिवशी काही करता येणे शक्य नव्हते. 26 मार्च हा चौथा शनिवार असल्याने व 27 मार्च रविवार असल्याने दोन दिवस सलग बँका बंद राहणार आहेत. 28 व 29 मार्च हे दोनच दिवस डीडी काढण्यासाठी उपलब्ध होणार आहेत. त्यातही 28 व 29 मार्च रोजी बँक कर्मचाऱ्यांच्या संपाच्या बातम्या माध्यमांमध्ये फिरत आहेत. केवळ एकाच तांत्रिक कारणामुळे विद्यार्थी प्रवेशापासून वंचित राहू नयेत यासाठी डिमांड ड्राफ्ट सादर करण्याची मुदत एक आठवड्याने वाढवावी व तात्पुरत्या स्वरूपात चेक स्वीकारावेत.
हजारो पालक व विद्यार्थ्यांची यातून अडवणूक होणार नाही व त्यांना दिलासा मिळेल अशी विनंती शिंदे यांनी केली आहे. मागील काही वर्षांमध्ये अशा प्रकारच्या पद्धतीने प्रवेश देण्यात आलेले होते याची आठवण शिंदे यांनी करून दिलेली आहे. कोरोना व न्यायालयीन केसेसमुळे नीट 2021 प्रवेश प्रक्रिया लांबणीवर पडून मार्च महिन्यात आलेली आहे. यात विद्यार्थी व पालकांचा काहीही दोष नाही अशी विनंती शिंदे यांनी केली आहे.
