बारामती : महान्यूज लाईव्ह
बारामती शहरात मोठ्या प्रमाणावर बांधकामे सुरू आहेत. 22 नोव्हेंबर 21 रोजी मी एक घटना घडली कसबा येथील जामदार रोड या ठिकाणी बांधकामाच्या सेंट्रींग साठी वापरण्यात येणाऱ्या 75 हजार रुपये किमतीच्या 50 प्लेट चोरीला गेल्या होत्या. याबाबत बाबासाहेब बाबूजी आटोळे (वय 38 व्यवसाय सेंट्रींग रा. मळद रोड बारामती) यांनी फिर्याद दिली होती.
त्यावरून पोलिसांनी ही फिर्याद दाखल करून घेऊन बांधकामाच्या ठिकाणी असलेल्या सुरक्षारक्षक कडे चौकशी केली त्यावेळी सुरक्षारक्षकाने एका व्यक्तीवर संशय व्यक्त केला त्यावरून पोलिसांनी संबंधित संशयितास ताब्यात घेतले व अटक केली मात्र तपासादरम्यान त्याच्याकडून काहीही निष्पन्न झाले नाही. त्यामुळे पोलिसांनी आपला तपास पुन्हा दुसरीकडे वळवला.
बारामती शहर पोलीस ठाण्याचे तपास पथक हे या गुन्ह्याबाबत सतत गोपनीय माहिती घेत होते. त्याप्रमाणे तपास पथकाच्या गोपनीय बातमीदारामार्फत माहिती मिळाली की, बकुळया नकट्या काळे (वय 20 वर्ष राहणार मळद भैय्या वस्ती) याने एका विधिसंघर्षग्रस्त बालकासोबत सदरच्या प्लेट चोरलेल्या आहेत. या माहितीच्या आधारे तपास पथकाने बकुळ्या यास ताब्यात घेऊन त्याला अटक केली.
त्याच्याकडे केलेल्या चौकशीत त्याने हा गुन्हा केल्याचे निष्पन्न झाले असून, त्याच्या ताब्यातून चोरीस गेलेल्या 75 हजार रुपये किमतीच्या 50 प्लेटा जप्त करण्यात आल्या. सदरची कारवाई पोलीस अधीक्षक डॉ. अविनाश देशमुख, अपर पोलीस अधीक्षक मिलिंद मोहिते, विभागीय पोलीस अधिकारी गणेश इंगळे यांच्या मार्गदर्शनाखाली पोलिस निरीक्षक सुनील महाडिक, पोलीस उपनिरीक्षक गणेश पाटील, पोलीस हवालदार रामचंद्र शिंदे, पोलीस नाईक दशरथ कोळेकर, कल्याण खांडेकर, पोलीस शिपाई मनोज पवार, बंडू कोठे, दशरथ इंगोले, सचिन कोकणे यांनी केली.
दरम्यान पोलिसांनी अत्यंत कसोशीने व सखोल तपास केल्यामुळे, ज्या संशयितास पोलिसांनी अगोदर अटक केली होती. तो संशयित निरपराध असल्यामुळे या गुन्ह्यात संशयावरून अटक केलेल्या व्यक्तीला सोडून देण्याचा रिपोर्ट कलम 169 प्रमाणे न्यायालयात केला जाणार आहे अशी माहिती बारामती शहर पोलीस ठाण्याच्या पोलिस सूत्रांनी दिली.
