शरद भगत, मोरगाव
बारामती तालुक्यातील पश्चिम जिरायती भागात उपमुख्यमंत्री अजित पवार यांच्या वाढदिवसानिमित्त आयोजित विविध कार्यक्रमात लोकवर्गणीतून दुरुस्ती केलेल्या बसस्थानकाची सुरुवात राष्ट्रवादीचे तालुकाध्यक्ष संभाजी होळकर यांच्या उपस्थितीत करण्यात आली.
५० वर्षांपूर्वी मुर्टी गावात बसस्थानक हे लोकवर्गणीतून उभे केले होते. २००० सालच्या वादळात या एस टी स्टँडचे पत्रे व काही अंशतः भाग कोसळला होता. अजितदादांच्या वाढदिवसाचे औचित्य साधून विविध प्रकारचे वृक्षारोपण मान्यवरांच्या हस्ते करण्यात आले. आणि लोकवर्गणीतून पुन्हा बसस्थानकाची दुरूस्ती करण्यात आली.
राष्ट्रवादीचे बारामती तालुकाध्यक्ष संभाजी होळकर, बारामती पंचायत समितीचे गटविकास अधिकारी राहुल काळभोर, मुर्टीच्या सरपंच मंगल खोमणे, उपसरपंच किरण जगदाळे, हरीदास जगदाळे, सोमेश्वर सहकारी साखर कारखान्याचे संचालक लालासाहेब नलवडे, माजी उपसरपंच बाळासाहेब जगदाळे, मोराळवाडी ग्रामपंचायत उपसरपंच निलेशजी मासाळ, सामाजिक कार्यकर्ते सतीश जगदाळे, छबन राजपुरे, मुर्टीचे ग्रामसेवक सोमनाथ थोरात व ग्रामस्थ उपस्थित होते.
