डॉ महेश घोळवे : महान्यूज लाईव्ह
इंदापूर तालुक्यातील वाढते कोरोना रुग्ण व शहरात अपुरी पडणारी बेड क्षमता लक्षात घेता आता ग्रामीण भागामध्ये गावोगावी विलगीकरण कक्ष स्थापण्यात येत आहेत. काल लाकडी येथे जिल्हा परिषद शाळेत कोरोना विलगीकरण कक्षाचे उद्घाटन पुणे जिल्हा परिषदेचे सदस्य हनुमंत बंडगर यांनी केले.
या कक्षाचे सर्व नियोजन व सुविधा उपलब्ध करून देण्याचे काम महेश वणवे व सहकाऱ्यांनी केले. कक्षातील रूग्णांना भेट देण्यासाठी बारामतीमधील प्रसिद्ध हृदयरोगतज्ज्ञ गणेश बोके हे आठवड्यातून १ दिवस भेट देणार आहेत. तसेच भवानीनगर येथील डॉ. महेश घोळवे हे दररोज तपासणी करणार आहेत.
या कार्यक्रमास माजी सभापती हनुमंत वाबळे, पंचायत समिती सदस्या शीतल वणवे ,लाकडी गावच्या सरपंच द्रौपदाबाई वणवे, महेश वणवे, सदाशिव ढोले,उपसरपंच मनिषा होडशीळ, बाळासाहेब खरमाटे, नितीन चव्हाण, अंबुदास वणवे, कृष्णदेव वनवे, अनिल गायकवाड, विशाल वणवे, पोलिस पाटील परमेश्वर ढोले, दादा वणवे काशिनाथ वणवे, आप्पासाहेब ढोले, डॉ. चंद्रकांत वणवे, तंटामुक्ती अध्यक्ष तात्यासो खाडे, संजय ढोले, वैभव वणवे, भागवत वणवे, रायचंद वणवे, पप्पू कोळेकर व ग्रामस्थ उपस्थित होते.
यावेळी बोलताना हनुमंत बंडगर यांनी कोरोना कक्षामधील सुविधांचे कौतुक केले. या ठिकाणी ग्रामस्थांनी लोकवर्गणीतून २० बेडची सोय उपलब्ध करून देण्यात आली आहे.ग्रामपंचायतच्या वतीने जि.प.शाळेमध्ये परिसर स्वच्छता,पिण्याच्या व स्वच्छतागृहांला पाण्याची सुविधा उपलब्ध करून देण्यात आली,
स्वच्छतागृहांची दुरूस्ती, लाईटची सोय करून देण्यात आली, मैदानावरील मुरूमीकरण करून स्वच्छता करून देण्यात आली, विलिनीकरण कक्षातील लोकांची भोजनाची व्यवस्था लाकडी ग्रामपंचायतचे माजी उपसरपंच व विद्यमान सदस्य नितीन चव्हाणसर व तंटामुक्ती अध्यक्ष तात्यासाहेब खाडे यांच्या मार्फत करण्यात आली आहे. या ठिकाणी उपचारासाठी ज्या गोष्टीची कमतरता पडेल त्या सर्व गोष्टी पुरवण्यात येतील असे सरपंच प्रतिनिधी महेश वणवे यांनी सांगितले.
