बारामती शहर पोलिसांची मोठी कारवाई
बारामती : महान्यूज लाईव्ह
बारामतीतील व्यापारी प्रीतम शहा यांना सावकारी जाचातून आत्महत्येस प्रवृत्त केल्याप्रकरणी बारामती शहर पोलिसांनी शहरातील विद्यमान नगरसेवकांसह नऊ जणांवर गुन्हा दाखल केला आहे. त्यातील सहा जणांना अटक केली असून या घटनेने बारामती शहरात खळबळ उडाली आहे.
बारामतीचे पोलीस निरीक्षक नामदेव शिंदे यांनी ही माहिती दिली काही दिवसांपूर्वी बारामतीतील व्यापारी प्रीतम शहा यांनी आत्महत्या केली होती त्यांनी केलेल्या आत्महत्या ही सावकारी झालेल्या जाचातून करत असल्याचे त्यांनी चिठ्ठी लिहिली होती. त्यानंतर पोलीस या प्रकरणाची सत्यता पडताळून पाहत होते. आज शहा यांचा मुलगा प्रतिक शहा यांनी दिलेल्या फिर्यादीनुसार नगरसेवक जयसिंग अशोक देशमुख, कुणाल चंद्रकांत काळे, संजय कोंडीबा काटे, विकास नागनाथ धनके, प्रवीण दत्तात्रय गालिंदे, हनुमंत सर्जेराव गवळी, सनी उर्फ सुनील आवळे, संघर्ष विजय गव्हाळे, मंगेश ओमासे या सर्वांवर गुन्हा दाखल करण्यात आला आहे. त्यातील एक जण बारामती बाजार समितीचा माजी सभापती असून बहुतांश आरोपी हे राजकीय क्षेत्राशी संबंधित आहेत.
यांना झाली अटक
नगरसेवक जयसिंग देशमुख, कुणाल काळे, संजय काटे, हनुमंत गवळी, प्रवीण गालिंदे सुनिल आवळे या सहा जणांना पोलिसांनी अटक केली आहे.बारामती शहर पोलिसांनी केलेल्या कारवाईमुळे शहरात एकच खळबळ उडाली आहे या प्रकरणात आणखी ही काही नावे असण्याची शक्यता पोलिसांनी वर्तविली असून पोलिसांचा त्यादृष्टीने तपास सुरू आहे.
