राज्यस्तरीय यंत्रणेकडून लाडकी बहीण योजनेमधील निकष पूर्ण न करणाऱ्या बहिणींना मिळतोय डच्चू!
संदीप मापारी पाटील बुलढाणा
महाराष्ट्र शासनाने विधानसभा निवडणुकीपूर्वी मुख्यमंत्री माझी लाडकी बहीण योजना सुरु केली, ज्या योजनेला अभूतपूर्व असा प्रतिसाद मिळाला. बुलढाणा जिल्हात 6 लाख 71 हजार 183 अर्ज भरले गेले, मात्र आता या लाडक्या बहिणीमधून पात्र लाडक्या बहिणीं वगळता अपात्र लाडक्या बहिणींना वगळले जात असून ही प्रक्रिया राज्यस्तरावरून होत आहे. ज्यात बुलढाणा जिल्हातील हजारो लाडक्या बहिणी फेब्रुवारी महिन्यात मिळणाऱ्या लाभापासून वंचित राहणार आहेत.
मुख्यमंत्री माझी लाडकी बहीण योजना ही महाराष्ट्र राज्य शासनाने जुलै २०२४ मध्ये महिलांसाठी सुरू केलेली एक योजना आहे. राज्यातील महिलांच्या आर्थिक स्वातंत्र्यासाठी, त्यांच्या आरोग्य आणि पोषणामध्ये सुधारणा करणे आणि कुटुंबातील त्यांची निर्णायक भूमिका मजबूत करण्यासाठी लाडकी बहीण योजना सुरू करण्यास महाराष्ट्र शासनाने २८ जून २०२४ रोजी मान्यता दिली होती.
त्यानुसार बुलढाणा जिल्हातील 13 तालुक्यामधील 6 लाख 71 हजार 183 बहिणींनी अर्ज भरले होते. ज्यांना मुख्यमंत्री माझी लाडकी बहीण योजनेचा लाभ मिळाला. मात्र शासनाने आता या योजनेमध्ये अटी पूर्ण न करणाऱ्या बहिणींना कात्री लावत त्यांचे लाभ बंद केले असून, 23 हजार 778 लाडक्या बहिणी अपात्र ठरल्या. ज्यात बुलढाण्यात अर्ज भरलेल्या 72,086, राहिलेल्या 70,055 व अपात्र झालेल्या 2,031 असून चिखलीत अर्ज भरलेल्या 72,610, राहिलेल्या 70,110 व अपात्र झालेल्या 2,500 आहेत.
देऊळगाव राजा मध्ये अर्ज भरलेल्या 30,507, राहिलेल्या 29,468, तर अपात्र झालेल्या 1,039 असूश जळगांव जामोद मंध्ये अर्ज भरलेल्या 39,989 राहिलेल्या 39.015 व अपात्र झालेल्या 974 आहेत. खामगाव तालुक्यात अर्ज भरलेल्या 84,326 राहिलेल्या 81,679 तर अपात्र ठरलेल्या महिलांची संख्या 2,647 आहे.
लोणार तालुक्यातील अर्ज भरलेल्या 39,456, राहिलेल्या 36,853 व अपात्र ठरलेल्या 2,603 असून मलकापूर तालुक्यातील अर्ज भरलेल्या 44,093, राहिलेल्या 42,709 व अपात्र ठरलेल्या 1,384 महिला आहेत. मेहकर तालुक्यातील अर्ज भरलेल्या 72,130, राहिलेल्या 69,206 तर अपात्र झालेल्या 2,924 महिला आहेत. मोताळा अर्ज भरलेल्या 41,985 राहिलेल्या 40,352, अपात्र झालेल्या 1,633 महिला आहेत.
नांदुरा अर्ज भरलेल्या 47,473 राहिलेल्या 45,859 अपात्र झाल्या 1,614 संग्रामपूर अर्ज भरलेल्या 38,084 राहिलेल्या 36,765 अपात्र झाल्या 1,319 शेगाव अर्ज भरलेल्या 40,936 राहिलेल्या 39,565 अपात्र झाल्या 1,371, सिंदखेड राजा तालुक्यात अर्ज भरलेल्या 47,508, पात्र राहिल्या 45,769 व अपात्र झाल्या 1,739. थोडक्यात या अपात्र झालेल्या लाडक्या बहिणींना येणारा फेब्रुवारीचा हफ्ता मिळणार नाही.
धनाढ्य व मालकीच्या चारचाकी गाडी असणाऱ्या महिला, शासनाच्या इतर योजनाचा लाभ घेणाऱ्या महिला, ज्यांचे उत्पन्न 2.5 लाखांपेक्षा जास्त आहे, नोकरदार, टॅक्स भरणाऱ्या, ज्यांचे पती सरकारी नोकरीवर आहेत, ज्या महिलांचे वय 65 वर्षा पेक्षा जास्त झाले, अशा महिलांची राज्य स्तरावरून नावे कमी झाली, तर दर महिन्याला 65 वर्षा पेक्षा जास्त वय असणाऱ्या महिलांचे नावे सिस्टम मधून आपोआप कमी होतील. सरकारी नोकरी, टॅक्स भरणाऱ्या, सरकारी नोकरदार पतीची पत्नी अशा 94 महिलांनी स्वतःहून मुख्यमंत्री माझी लाडकी बहीण योजनेचा लाभ नाकारला.
