बारामती : महान्यूज लाईव्ह
बारामती शहरातील अखिल तांदुळवाडी वेस तरुण मंडळाच्या पुढाकाराने तांदुळवाडी वेस चौक परिसरात सीसीटीव्ही कॅमेरे बसवण्यात आले आहेत. त्यामुळे या चौकावर आता सीसीटीव्ही कॅमेराची नजर राहणार आहे.
तांदूळवाडी वेस चौकात बसवण्यात आलेले सीसीटीव्ही कॅमेरे नुकतेच कार्यान्वित करण्यात आले आहेत. त्याचा प्रारंभ अप्पर पोलिस अधीक्षक मिलिंद मोहिते यांच्या हस्ते आणि बारामती शहर पोलिस ठाण्याचे पोलिस निरीक्षक औदुंबर पाटील, पोलिस उपनिरीक्षक पद्मराज गंपले, मंडळाचे अध्यक्ष श्रीकांत जाधव, माजी नगराध्यक्ष सुभाष सोमाणी, अमजद बागवान, अनीता गायकवाड, शीतल गायकवाड आदी मान्यवर उपस्थित होते.
अखिल तांदुळवाडी वेस तरुण मंडळाने अतिशय चांगला उपक्रम राबवला असून अशा पद्धतीने सर्वांनीच पुढाकार घेतल्यास भविष्यात गैरप्रकारांना आळा बसण्यास मदत होणार असल्याचे मत मिलिंद मोहिते यांनी यावेळी व्यक्त केले. तर औदुंबर पाटील यांनी मंडळाच्या विविध उपक्रमांचे कौतुक करत सीसीटीव्हीमुळे पोलिस यंत्रणेला मदत होणार असल्याचे सांगितले.
याप्रसंगी मोहन पंजाबी,अविनाश भापकर,स्वप्नील शेळके, निलेश गायकवाड, प्रकाश पळसे, जयसिंग पवार, स्वप्नील भागवत, किरण इंगळे, अॅड. रीतेश सावंत, राहुल जाधव, भाऊ सावंत, सौरभ राठोड, लल्लू ढवळे,असद बागवान, प्रशांत हेंद्रे, सोनू बामने, प्रकाश फडतरे, अमर लोहोकरे, संजय ढोरगे, हनुमंत इंगळे, वंदना भंडारे, मंगल कुर्ले, मीना गोरे आदी उपस्थित होते.
