राजेंद्र झेंडे,महान्यूज लाईव्ह
दौंड : दौंड विधानसभा मतदार संघात महायुतीचे उमेदवार राहुल कुल आणि महाविकास आघाडीचे उमेदवार रमेश थोरात यांनी सकाळी कुटुंबासहित मतदान केंद्रावर मतदान करून मतदान हक्क बजावला. दरम्यान सकाळी नऊ वाजेपर्यंत दौंड विधानसभा मतदारसंघात 5.81% मतदान झाले.
मागील महिनाभरापासून विधानसभेची रणधुमाळी सुरू होती. गावागावात, वाड्यावस्त्यांमध्ये जाऊन उमेदवार व कार्यकर्ते प्रचार करीत होते. भाजपचे उमेदवार राहुल कुल आणि राष्ट्रवादी काँग्रेस शरदचंद्र पवार पक्षाचे उमेदवार रमेश थोरात हे दौंड विधानसभा मतदारसंघात उभे आहेत. यांच्यासह एकूण 14 उमेदवार दौंड विधानसभा मतदारसंघात रिंगणात आहेत.
मात्र कुल आणि थोरात यांच्यात सरळ लढत होणार आहे. कोण होणार दौंडचा आमदार? याचा फैसला आज मतदान पेटीत बंद होणार आहे. बुधवारी (दि २०)सकाळी सात वाजल्यापासून मतदान प्रक्रिया सुरू झाली. सकाळी सकाळीच मतदान केंद्रावर मतदारांची गर्दी पाहायला मिळाली. दौंड विधानसभा मतदारसंघात सकाळी ९ वाजेपर्यंत ५.८१ टक्के मतदान झाले. ही माहिती दौंड निवडणूक निर्णय अधिकाऱ्यांनी दिली.
