दौंड, महान्यूज लाईव्ह
दौंड विधानसभा सन २०२४ च्या निवडणुकीसाठी निवडणूक निर्णय कार्यालयातुन 3 दिवसात 36 उमेदवारांसाठी 71 अर्जांची विक्री झाली आहे. तर एक नामनिर्देशन पत्र प्राप्त झाले आहे. ही माहिती निवडणूक निर्णय अधिकारी मिनाज मुल्ला व सहाय्यक निवडणूक अधिकारी अरुण शेलार यांनी दिली.
विधानसभा निवडणुकीसाठी उमेदवारी अर्ज विक्री आणि उमेदवारी अर्ज स्वीकारण्याची प्रक्रिया मंगळवार (दि २२) पासून सुरू झाली आहे. दौंड नवीन प्रशासकीय इमारत येथील निवडणूक विभागीय कार्यालयात अर्जाची ही प्रक्रिया सुरू आहे. पहिल्याच दिवशी 20 उमेदवारांसाठी 40 अर्जाची विक्री झाली होती. तर 3 दिवसांत 36 उमेदवारांसाठी 71 अर्जांची विक्री झाली आहे. तसेच सागर बाळू मसूडगे अपक्ष हे एक नामनिर्देशन पत्र प्राप्त झाले आहे.
विधानसभा निवडणुकीसाठी खर्च निरक्षकांची ही नियुक्ती करण्यात आली आहे. निवडणूक खर्च निरीक्षक अधिकारी म्हणून डॉ. ए. वेंकटेश बाबू ( IRS) यांची नियुक्ती करण्यात आली आहे . पुणे येथील व्हीआयपी विश्रामगृह कक्ष क्रमांक ए -१०६ ,संपर्क क्रमांक ९२२६१८४५५४ असा आहे. तसेच निवडणूक खर्च निरीक्षक यांचे संपर्क अधिकारी म्हणून हरीश बोरावके त्यांची नियुक्ती करण्यात आली आहे. अशी माहिती निवडणूक निर्णय अधिकारी मिनाज मुल्ला व सहाय्यक निवडणूक निर्णय अधिकारी अरुण शेलार यांनी दिली.
