सुरेश मिसाळ : महान्यूज लाईव्ह
देशभरातील साखर कारखान्यांच्या कौशल्य व्यवस्थापन व कामकाजासंदर्भातील परीक्षण होऊन राष्ट्रीय स्तरावरील जे पुरस्कार जाहीर होतात त्यांचा पुरस्कार वितरण सोहळा एका 10 ऑगस्ट रोजी दिल्लीतील डॉक्टर बाबासाहेब आंबेडकर इंटरनॅशनल सेंटर येथे होणार आहे केंद्रीय गृहमंत्री व सहकार मंत्री अमित शहा यांच्या उपस्थितीत हा पुरस्कार सोहळा होणार आहे.
या पुरस्कार सोहळ्याची दिल्लीमध्ये राष्ट्रीय साखर कारखाना महासंघाचे अध्यक्ष हर्षवर्धन पाटील, उपाध्यक्ष केतनभाई पटेल व व्यवस्थापकीय संचालक प्रकाश नाईकनवरे व त्यांच्या सहकाऱ्यांनी जयत तयारी केली आहे. 9 राज्यातील 260 सहकारी साखर कारखान्यांच्या परीक्षणातून हे पुरस्कार जाहीर केले जातात. महाराष्ट्राचे माजी सहकारमंत्री हर्षवर्धन पाटील यांची अध्यक्षपदी नियुक्ती झाल्यानंतर हा पहिलाच पुरस्कार सोहळा आहे. 15 जनपथ येथील डॉ. आंबेडकर इंटरनॅशनल सेंटरमध्ये हा पुरस्कार सोहळा होणार आहे.
या कार्यक्रमाच्या निमित्ताने राष्ट्रीय साखर कारखाना महासंघाने ऊस लागवडीमध्ये उच्च तंत्रज्ञानाचे जैविक व्यवस्थापन आणि भारतीय साखर उद्योगाला बळकटी देण्यासाठी आवश्यक सरकारी धोरणे या विषयावर दोन स्वतंत्र सेमिनार आयोजित केली आहेत. दुपारी दोन वाजता मुख्य कार्यक्रमाला सुरुवात होणार आहे.
