पुणे : महान्यूज लाईव्ह
गेल्या काही वर्षांपासून पुणे जिल्हा परिषदेच्या आरोग्य विभागात बरीच आर्थिक अनियमितता होती. याच्या अनेक तक्रारी वरपर्यंत गेल्या, पण पुढे काहीच झाले नाही. त्यामुळे अधिकाऱ्यांचे वरपर्यंत हात असल्याची मानसिकता कर्मचाऱ्यांची झाली आणि त्यांनी तक्रारी करणे देखील बंद केले, पण कधी ना कधी घडा भरतो. पुणे जिल्ह्याचे तत्कालीन जिल्हा आरोग्य अधिकारी डॉ. भगवान अंतू पवार यांच्याविरुद्ध आरोग्य विभागातील आर्थिक अनियमितता, महिला कर्मचाऱ्यांचा मानसिक व लैंगिक छळ अधिकारी कर्मचाऱ्यांसोबत अरेरावी या विविध तक्रारीवरून डॉ. भगवान पवार यांचे निलंबन करण्यात आले आहे.
डॉक्टर पवार यांच्या निलंबनामुळे जिल्हा आरोग्य विभागात चांगलीच खळबळ उडाली असून, हे प्रकरण एवढ्यावरच थांबणार नाही, अजूनही जिल्हा आरोग्य विभागातीलच काही कर्मचारी राजकीय पक्षाच्या पदाधिकाऱ्यांच्या वरद हस्ताने ठेकेदारी घेतात व आरोग्य विभागाचे नुकसान करतात अशाही तक्रारी वरपर्यंत गेले आहेत त्यांचीही गंभीरपणे चौकशी सुरू आहे. अशा ठेकेदार, कर्मचारी व अधिकारी यांच्याबाबतीतही अशाच प्रकारची कारवाई होण्याची शक्यता आहे. त्यांच्यावरील कारवाई केव्हा होणार? हा देखील प्रश्न आता लगेचच उपस्थित झाला आहे.
जिल्हा परिषदेचे तत्कालीन जिल्हा आरोग्य अधिकारी डॉ. भगवान अंतू पवार हे सध्या पुणे महानगरपालिकेच्या आरोग्य विभागात आहेत. मात्र ते जिल्हा परिषदेत सातारा व पुण्यामध्ये जिल्हा आरोग्य अधिकारी असताना त्यांच्या विरोधात विविध तक्रारी प्राप्त झाल्या होत्या. पुणे जिल्हा परिषदेत तर त्यांच्या विरोधात गंभीर स्वरूपाची वित्तीय आणि मित्रा केल्याचा आरोप होता.
या संदर्भात 29 एप्रिल 2024 रोजी वरिष्ठ पातळीवरून चौकशी समिती स्थापन करण्यात आली होती. या समितीने शिफारशी सहज चौकशी अहवाल दिला. यामध्ये भगवान पवार यांनी गंभीर स्वरूपाची आर्थिक अनिमित्त केल्याचे दिसून आले आहे. त्यांच्या विरोधात लैंगिक शोषण, महिला अधिकाऱ्यांना मानसिक त्रास, वित्तीय व प्रशासकीय अनियमितता, वर्तणूक विषयक त्यांच्या तक्रारी, भ्रष्टाचार अशा अनेक गंभीर तक्रारी असून, त्यांनी महाराष्ट्र नागरी सेवा वर्तणूक नियम 1979 च्या नियम 3 चे उल्लंघन केले असल्याचा ठपका त्यांच्या विरोधात ठेवण्यात आला आहे.
डॉ. भगवान पवार यांची जिल्हा आरोग्य अधिकारी म्हणून बहुतांश सेवा पुणे व सातारा जिल्ह्यातच झालेली असून या ठिकाणी त्यांच्या विरोधात विविध स्वरूपाच्या गंभीर तक्रारी असून त्यांची निष्पक्ष चौकशी होण्याची आवश्यकता असल्याने त्यांना तात्काळ निलंबित करण्याचा आदेश देण्यात आला आहे. निलंबनाच्या आदेशादरम्यान भगवान पवार हे जिल्हा रुग्णालय नंदुरबार येथे राहतील व त्यांना मुख्यालय सोडता येणार नाही अशा स्वरूपाचा आदेश देण्यात आला आहे. राज्याच्या सार्वजनिक आरोग्य विभागाच्या कार्यासन अधिकारी सुप्रिया मुसळे यांनी हा आदेश 21 मे रोजी दिला आहे.
