दौंड : महान्यूज लाईव्ह
यवत, दौंड, लोणी काळभोर, हडपसर, बारामती या पोलीस ठाण्याच्या हद्दीतील मोटारसायकल चोरी करणाऱ्या सराईत आरोपींना यवत पोलीस ठाण्याच्या गुन्हे शोध पथकाने ताब्यात घेतले आहे. त्यांच्याकडुन चोरीच्या मोटार सायकल जप्त करण्यात आल्या आहेत. ही माहिती पोलीस निरीक्षक हेमंत शेडगे यांनी दिली.
कृष्णा रामभाऊ लोंढे (वय २३), राहुल उर्फ कोयत्या हिंम्मत पवार (वय २१ ), यश उर्फ पंडीत ज्ञानेश्वर थोरात (सर्व रा. नानगाव ता.दौंड, जि.पुणे) अशी ताब्यात घेतलेल्या मोटार सायकल चोरीतील आरोपींची नावे आहेत. या पैकी दोघांना सोमवारी (१५ ) यवत गुन्हे शोध पथकाने तालुक्यातील येथून जेरबंद करण्यात आले.
दौंड तालुक्यातील पाटस येथील गणेश मल्हारी गडदरे यांच्या गडदरे कॉम्प्लेक्स शेजारी हॅन्डल लॉक करून लावलेली एक मोटारसायकल १५ जून २०२३ रोजी कोणीतरी अज्ञात चोरट्याने चोरून नेली होती. याबाबत यवत पोलीस ठाण्यात गुन्हा दाखल झाला होता.
याप्रकरणी यवत पोलीस ठाण्याच्या गुन्हे शोध पथकाने घटनास्थळी भेट देऊन तपासाची सुत्रे हलवली होती.
पाटस परिसरातील सीसीटीव्ही कॅमेरे तसेच रेकॉर्डवरील गुन्हेगार चेक केले. त्यानुसार या मोटारसायकल चोरीतील आरोपींच्या मागावर पोलीस होते. सदरचा गुन्हा कृष्णा रामभाऊ लोंढे व त्याचे इतर दोन साथीदार यांनी केलेच्या तपासात निष्पन्न झाले. सदर आरोपींची गुप्त माहिती मिळाल्याने कृष्णा रामभाऊ लोंढे व राहुल उर्फ कोयत्या हिंम्मत या दोघांना सापळा रचून ताब्यात घेतले.
या आरोपींनी यवत,दौंड , लोणी काळभोर, हडपसर, बारामती शहर इत्यादी पोलीस स्टेशन हद्दीतून १० मोटार सायकली चोरल्याचे तपासात उघडकीस आले आहे. आरोपींकडून ९ मोटार सायकली असा ३ लाख ५५ हजार रुपयांचा मुद्देमाल जप्त केला आहे.
पुणे ग्रामीण पोलीस अधीक्षक अंकित गोयल, बारामती विभागाचे अपर पोलीस अधीक्षक आनंद भोईटे, दौंड उपविभागीय पोलीस अधिकारी स्वप्नील जाधव, स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर, यवत पोलीस ठाण्याचे पोलीस निरीक्षक हेमंत शेडगे यांच्या मार्गदर्शनाखाली पोलीस उपनिरीक्षक संजय नागरगोजे, पोलीस उपनिरीक्षक सलीम शेख,पोलीस हवालदार निलेश कदम, गुरूनाथ गायकवाड, अक्षय यादव, महेंद्र चांदणे, रामदास जगताप, पोलीस नाईक हनुमंत भगत, पोलीस शिपाई समीर भालेराव आदींच्या
पथकाने ही कामगिरी केली आहे.
