इस्रो च्या मिशन ए मंगळ मधील प्रमुख वैज्ञानिकांची भेट!
गणेश आळंदीकर, सोमेश्वरनगर
खरे तर शास्त्र हे शास्त्र च असते मग ते रसायन शास्त्र असो कि ,जोतीष शास्त्र मध्यंतरी ईसरो चे शास्त्रज्ञ जोतीबा ला गेल्यामुळे त्यांचेवर काही नागरिकाकडुन टिका झाली. पण त्यानी देखील एका मर्यादेपर्यंत शास्त्र असते त्यापुढे अध्यात्म व ईश्वरी ताकद देखील महत्वाची असते असे सांगीतले .
असेच काहीसे पुसेगाव (ता खटाव जि सातारा) येथे दिसून आले आहे. कोणत्याही अंधश्रद्धेला खतपाणी न घालता ज्योतीष शास्त्राला अध्यात्माची जोड देत सातारा जिल्ह्यातील पुसेगाव ( ता .खटाव )चे ज्योतीष शास्त्र व अध्यात्मशास्त्रात पीएचडी करुन डॉक्टरेट मिळवणारे डॉ. प्रविणकुमार उर्फ दिपक कदम आपल्या घरीच या शास्त्राचे धडे परदेशी पाहुण्याना मोफत देत आहेत.
सर्वसामान्य नागरिकाबरोबर १७० रॉकेट व ६० सॅटेलाईट लॉंचींगच्या सहभागात मोलाचा वाटा असणारे इस्रोचे वैज्ञानीक डॉ. एस. व्ही. शर्मा यानी स्वत: पुसेगाव च्या भवानीनगर स्थित या केंद्राला भेट देऊन कदम यांच्या कार्याचे कौतुक केले आणि विज्ञान आणि अध्यात्म यांची सांगड घालणे गरजेचे असल्याचे मत डॉ शर्मा यानी यावेळी व्यक्त केले.
एकीकडे बुवा बाबाच्या नावाने समाजात अडचणीतील लोकांना लुटण्याचे काम करणा-या घटना वाढत असताना, हिंदु संस्कृतीचे संत साहीत्याचे परदेशी अभ्यासकांना मोफत ज्ञान वाटत, ज्योतिष शास्त्राचे निस्वार्थी धडे देण्याचे काम या अध्यात्म केंद्राद्वारे गेली अनेक वर्ष बिनबोभाट चालु आहे.
या केंद्राद्वारे डॉ. दिपक कदम यानी आत्तापर्यंत फ्रान्स, ईटली सारख्या देशातील नागरीकाना मोफत ज्ञानाचे वाटप केले. परिस्थितीने मध्यमवर्गीय असून सलग सात वर्ष महाविद्यालयात इंग्रजी विषय शिकवणारे प्राध्यापक दिपक कदम यानी काही वर्षांपूर्वी आपल्या नोकरीचा राजीनामा देऊन जोतीषशास्त्र व अध्यात्म शास्त्रात पीएचडी मिळवून वेगळ्या पद्धतीने समाजसेवा करण्याचा निर्णय घेतला व स्वत:च्या निवासस्थानीच या शास्त्रांचे मोफत अभ्यास केंद्र स्थापन केले.
वैयक्तिक समस्यापेक्षा समाजहिताच्या समस्याना व त्यावरील उपायांना ते जास्त महत्व देतात. जर कुणी वैयक्तीक समस्या घेऊन या केंद्रात गेला तर त्याला अध्यात्मिक व ज्योतिष शास्त्रातील ज्ञानानुसार शास्त्रोक्त मदत केली जाते, मात्र त्याच्या इच्छेने त्याला एखाद्या सामाजिक संस्थेला मदत करा किवा एखाद्या गरीब विद्यार्थ्याची फी भरा, अनाथाश्रमात अगदी विद्यार्थ्यांची कपडे वाटण्यापासून त्या अनाथांना अंथरुण पांघरुण पर्यंत मदत करायचा सल्ला ते देतात.
वैयक्तीक अडचणींसाठी स्वत:साठी काही न घेता व इतर संस्थाना मदत करायला ते लावतात हे विशेष.
जगद्गुरु शंकराचार्य यांचे सानिध्य लाभलेले, ब्रम्हलीन स्वामी स्वरुपानंद सरस्वती यांनी गौरव केलेले डॉ. प्रविणकुमार उर्फ दिपक कदम यानी प्रसिद्धीपासून दुर राहत पुणे येथील एका मुक्त विद्यापीठाची तसेच काशी येथील विद्यापीठाची विद्या वाचस्पती ही डॉक्टरेट घेतली असताना, मोठ्या पगाराची नोकरी असताना निस्वार्थीपणे आपले समाज कार्य करीत आहेत.
याबाबत त्याना विचारले असता, मानवी जीवन ताण तणावाने युक्त असून मन:शांतीसाठी साधना गरजेची असते. दिवसभरातून किमान २० मिनीट प्रत्येकाने साधना केली पाहीजे असे ते म्हणाले. इस्रो द्वारे “मिशन ए मंगळ” मधे मोलाचे योगदान असणारे डॉ. एस. व्ही. शर्मा यानी पुसेगाव येथील या केंद्रावर भेट दिली असता, स्थितीज उर्जेचे गतीज उर्जेमध्ये होणारे रुपांतर प्रक्रियेचे प्रात्यक्षीक कदम यांचेकडुन समजुन घेतले व अध्यात्म व विज्ञान यांची सांगड घालणे गरजेचे असल्याचे सांगत जिथे विज्ञान संपते, तेथे अध्यात्म सुरु होते असे ते म्हणाले.
ऐन दिवाळीत पुसेगाव ला परदेशी अभ्यासकांचे आगमन
प्राचीन संस्कृती, ज्योतिषशास्त्र व अध्यात्मशास्त्र याबाबत ऐच्छिक मदतीवर उभारलेल्या पुसेगाव येथील डॉ. दिपक कदम यांच्या या केंद्रावर इटलीतील अभ्यासकानी गर्दी केली. इटलीतून आलेल्या अभ्यासकांना भारताची कोणती गोष्ट आवडते व का आवडते? हा इंग्रजीतून प्रश्न विचारल्यावर अंड्रीया, जियाकोमो ,मार्को या तिघांनी भारतात खुप काही प्राचीन विद्या शिकण्यासारख्या असून आमच्यात या ज्ञानामुळे ताकद येते असे उत्तर त्यानी दिले .
