सुरेश मिसाळ : महान्यूज लाईव्ह
इंदापूर : पुणे – सोलापूर महामार्गावर भिगवण जवळ असणाऱ्या बिल्ट ग्राफिक कंपनीच्या जवळ अपघातात जखमी झालेल्या नागरीकास निरा भिमा सहकारी साखर कारखान्याचे संचालक व भाजप युवा मोर्चा कोअर कमिटीचे प्रमुख राजवर्धन पाटील यांनी कार्य तत्परता दाखवत तात्काळ वैद्यकीय मदत मिळवून देण्यासाठी प्रयत्न केला.
राजवर्धन पाटील हे कामानिमित्त या रस्त्याने जात असताना भिगवण जवळील बिल्ट ग्राफिक कंपनी जवळ अपघातात जखमी झालेल्या नागरीकास पाहताच त्यांनी गाडी थांबवून त्यांची चौकशी केली,तसेच त्यांना तातडीने वैद्यकीय मदत मिळवून देण्यासाठी प्रयत्न केले.
युवा नेतृत्व राजवर्धन पाटील आपल्या सामाजिक कार्यामध्ये नेहमी अग्रेसर असतात. आज देखील अपघातग्रस्त नागरिकाला योग्य ती मदत व सहकार्य केले.आपल्या सुरक्षित प्रवासाची सर्वांनी काळजी घेण्याचे आवाहन यावेळी राजवर्धन पाटील यांनी केले
