दौंड : महान्यूज लाईव्ह
क्रांतिसूर्य महात्मा जोतिबा फुले , भारतीय राष्ट्रध्वज यांच्याबाबत अपशब्द व बदनामी करणाऱ्या मनोहर कुलकर्णी उर्फ संभाजी भिडे यांना त्वरित अटक करुन कायदेशीर कारवाई करावी अशी आक्रमक भूमिका घेत दौंड तालुक्यातील पाटस आणि देऊळगाव गाडा येथे सत्यशोधक ओबीसी महासंघाच्या नेतृत्वाखाली निषेध मोर्चा काढून भिडेंचा तीव्र शब्दात निषेध करण्यात आला.
दौंड तालुक्यातील पाटस येथे श्री. शिवप्रतिष्ठानचे मनोहर उर्फ संभाजी भिडे यांच्या निषेधार्थ सत्यशोधक ओबीसी महासंघाच्या नेतृत्वाखाली महात्मा फुले नियोजित स्मारक ते विश्वभूषण डॉ. बाबासाहेब आंबेडकर चौकापर्यंत निषेध मोर्चा काढण्यात आला. यावेळी संभाजी भिडे यांच्या विरोधात जोरदार घोषणाबाजी करण्यात आली. तर देऊळगाव गाडा येथील बेटपाटी येथेही भिडे यांच्या प्रतित्माक पुतळ्याला जोडे मारुन दहन करण्यात आले.
राज्य सरकारने भिडेंना तातडीने अटक करावे, राज्यात कुठेही त्यांच्या सभेला परवानगी देऊ नये यावी अशी मागणी करण्यात आली. याप्रसंगी दौंड तालुक्यातील ओबीसी नेते पांडुरंग मेरगळ, सरपंच रंजना पोळेकर, सत्यशोधक ओबीसी महासंघाचे दौंड तालुका प्रभारी रामचंद्र भागवत, कुरकुंभच्या माजी सरपंच जयश्री भागवत, शीतल भागवत, सारिका भुजबळ, अरविंद गायकवाड, गोरख फुलारी आदींनी आपल्या भाषणात भिडे या मनुवादी प्रवृतीचा तीव्र शब्दात निषेध केला. याप्रसंगी विशाल बारवकर, अरुण भागवत, गोरक्ष बारवकर, मनोहर कोकरे, प्रताप भागवत, प्रदिप भागवत, गोरख फुलारी, नवनाथ गायकवाड, निलेश बनकर, माऊली जाधव, वसंत साळुंखे, अमोल भागवत, प्रकाश भागवत, धनंजय भागवत, डी. डी. बारवकर, मंगेश रायकर तसेच शिव फुले शाहू आंबेडकर चळवळीतील कार्यकर्ते या आंदोलनात सहभागी झाले होते.
