ट्विट करत दिली कोरोना पॉझिटीव्ह आल्याची माहिती
मुंबई : महान्यूज लाईव्ह
हिंदी चित्रपटसृष्टीतील महानायक अमिताभ बच्चन यांना कोरोनाची लागण झाली आहे. त्यांनी स्वत: ट्विट करत याबाबत माहिती दिली आहे. पुढील उपचारासाठी अमिताभ बच्चन यांना मुंबईतील नानावटी रुग्णालयात दाखल करण्यात आले आहे.
अमिताभ बच्चन यांची कोरोना चाचणी घेण्यात आली होती. त्यामध्ये त्यांचा अहवाल पॉझिटीव्ह आला आहे. तत्पूर्वी अमिताभ बच्चन हे नियमीत उपचारासाठी नानावटी रुग्णालयात दाखल झाल्याचे सांगण्यात येत होते. मात्र रात्री त्यांनी स्वत: ट्विट करत आपल्याला कोरोनाची लागण झाल्याची माहिती दिली.
दरम्यान, कोरोना अहवाल पॉझिटीव्ह आल्याची माहिती देतानाच मागील दहा दिवसात आपल्या संपर्कात आलेल्या व्यक्तींनी स्वत:हून क्वारंटाईन होवून तपासणी करुन घेण्याचे आवाहनही अमिताभ बच्चन यांनी केले आहे.
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
— Amitabh Bachchan (@SrBachchan) July 11, 2020
All that have been in close proximity to me in the last 10 days are requested to please get themselves tested !
