रिसोड वाशीम : महान्यूज लाईव्ह
रिसोड शहरातील जुनी सराफा लाईन येथील गॅस सिलेंडर स्फोट प्रकरणी 19 दिवसानंतर बिछायत केंद्र चे संचालक श्रीराम गंगाप्रसाद बगडिया यांच्यावर गुन्हा दाखल करण्यात आला.
या बिछायत केंद्र गोडाऊनला लागलेल्या आगीत सिलेंडर स्फोटात एकाचा मृत्यू तर तिघे जण गंभीर जखमी झाले होते. याबाबत मृत आशिष राऊत याच्या आई अनिता राऊत यांनी फिर्याद दिली होती.
२१ नोव्हेंबर रोजी मंगलम बिछायतचे मालक श्रीराम बगाडिया यांनी आशिष राऊत, विठ्ठल गुगळे, कान्हा तापडिया, सागर तापडिया, विठ्ठल राऊत व इतर मित्रांना गोडाऊनमधून धूर निघत असल्याने मदतीसाठी बोलावले. परंतू आपल्या गोडाऊनमध्ये अवैधरित्या घरगुती गॅसने भरलेले ४ सिलेंडर असल्याची माहिती त्याने तिथे जमलेल्यांना दिली नाही. या सिलेंडरचा स्फोट होऊन आशिष राऊत हा घटनास्थळीच ठार झाला. तसेच विठ्ठल गुगळे, कान्हा तापडिया, सागर तापडिया हे गंभीर जखमी झाले.
श्रीराम बगाडिया यांच्या निष्काळजीपणामुळे हा अपघात झाला असून त्यांच्याविरोधात अनिता राऊत यांनी तक्रार दिली आहे. या तक्रारीनूसार पोलिसांनी श्रीराम बगाडिया यांच्याविरोधात गुन्हा दाखल केला आहे. पुढील तपास ठाणेदार सारंग नवलकार करत आहे
