इंदापूर : महान्यूज लाईव्ह
इंदापुरात आज (गुरुवार) दुपारी शहरातील वेंकटेशनगर येथील युवकाने तहसील कचेरी शेजारील व्यापारी गाळ्यातील जिन्यामध्ये लोखंडी पाइपला दोरीने गळफास घेऊन आत्महत्या केली. ही घटना भर दुपारी सव्वा दोन वाजण्याच्या सुमारास घडल्याने सर्वत्र एकच खळबळ उडाली.
रोहित उर्फ श्याम सतीश बोरीकर (वय 25 वर्ष रा. व्यंकटेशनगर, इंदापूर जिल्हा.पुणे) असे आत्महत्या केलेल्या युवकाचे नाव आहे.याबाबत मयताचा भाऊ राहुल सतीश बोरीकर याने इंदापुर पोलीस ठाण्यात खबर दिली.
याबाबत माहिती अशी, आज दुपारी 2.20 वाजण्याच्या पूर्वी रोहित उर्फ श्याम बोरीकर याने इंदापूर शहरातील शंभर फुटी रोड वर असणाऱ्या तहसिल कचेरी शेजारील असलेल्या गाळ्या मधील दारूच्या दुकानावरील तिसऱ्या मजल्यावर जिन्यामध्ये लोखंडी पाइपला दोरीने गळफास घेतला.
याची माहिती समजताच राहुल बोरीकर यांनी तिथे जाऊन त्यास खाली उतरून ताबडतोब ॲम्बुलन्स मध्ये टाकून औषधोपचारासाठी उपजिल्हा रुग्णालयात नेले. यावेळी तेथे उपस्थित डॉक्टरांनी तपासून रोहित मयत झाल्याचे सांगितले.पुढील तपास पोलीस निरीक्षक धन्यकुमार गोडसे यांच्या मार्गदर्शनाखाली पोलीस हवालदार वाघ हे करत आहेत.
