राजेंद्र झेंडे, महान्युज लाईव्ह
दौंड : दौंड शहरात सुरू असलेल्या बनावट नोटा तयार करणाऱ्या टोळीचा दौंड पोलिसांनी पर्दाफाश केला आहे. या प्रकरणी पोलिसांनी 5 जणांना अटक केली आहे. ही माहिती पोलीस निरीक्षक हेमंत शेडगे यांनी दिली.
सोमवारी दि. 20 रोजी झालेल्या कारवाईत अटक करण्यात आल्याची माहिती पोलिसांनी दिली. हितेश चिदानंद चलवादी (वय 26 व रा. पासलकरवस्ती, दौंड, ता. दौंड, जि. पुणे ), प्रेम संजय मंजुळे ( वय 23, रा. ऐश्वर्या हमारा सोसायटी, फ्लॅट नं. 1218, देहु आळंदी रोड, मोशी, पुणे. मुळ रा. हनुमान नगर, दौंड, ता. दौंड, जि. पुणे), विनोद विष्णु मुंडे ( वय 29, सध्या रा. फ्लॅट नं. 105, वासुदेव हाईट्स, कुटेमळा, मानाजीनगर, न-हे, पुणे. मुळ रा. वैजीनाथ मंदिराशेजारी, लेन नं. 4, हाउस क्र. 4, परळी वैजीनाथ, ता. परळी, जि. बीड ), रणजीत भास्कराव डिग्रज, वय 36, रा. स्पाईनसिटी सोसायटी, फ्लॅट नं. 608, भोसरी, पुणे. मुळ रा. अकोल, ता. जि. अमरावती ) , ओमकार सतीष मोरे (वय 22 रा. देवगाव, ता. केज, जि. बीड) अशी अटक केलेल्या आरोपींची नावे आहेत.
अटकेनंतर सर्व आरोपींना दौंड न्यायालयात हजर करण्यात आले. न्यायालयाने त्यांना 7 दिवस पोलीस कोठडीत ठेवण्याचे तसेच त्यांच्या राहत्या ठिकाणच्या घरझडती घेण्याचे आदेश दिले आहेत. पोलिसांनी आरोपींकडून बनावट नोटा छापण्याची मशिनरी, साहित्य आणि इतर पुरावे जप्त केले आहेत. ही टोळी दौंडसह परिसरात बनावट नोटा चलनात आणत होती का ? याचा तपास सुरू आहे. पोलीस निरीक्षक हेमंत शेडगे यांच्या मार्गदर्शनाखाली दौंड पोलीस ठाण्याच्या पथकाने ही कारवाई केली.
