फलटण : महान्यूज लाईव्ह
फलटण तालुक्यातील विडणी येथील 25 फाटा येथील प्रदीप जाधव यांच्या शेतामध्ये अर्धवट स्थितीत महिलेचा मृत्यू आढळला. या मृतदेहाशेजारी उडीद, काळी बाहुली व दोन चाकू आढळून आले असून मंतरलेला भातही आढळून आला आहे.
हा प्रकार मागील दहा ते पंधरा दिवसांपूर्वी झाला असल्याचा पोलिसांचा अंदाज आहे. किडणी येथील शेतकरी प्रदीप जाधव शेतामध्ये गेल्यानंतर त्यांना हा प्रकार दिसून आला. त्यांनी तात्काळ पोलीस पाटलाशी संपर्क साधला. पोलीस पाटलांनी फलटण तालुका पोलिसांची संपर्क साधला व माहिती दिली पोलीस निरीक्षक सुनील महाडिक घटनास्थळी तातडीने दाखल झाले.
काल सकाळी साडेसात वाजता ही बाब लक्षात आली. त्यानंतर सातारा जिल्ह्यातील वरिष्ठ अधिकारी देखील त्या ठिकाणी पोचले. आसपासच्या परिसरातील बेपत्ता असलेल्या नोंदीनुसार तेथील पालकांना बोलावून याविषयीची खातरजमा पोलिसांनी प्राथमिक तपासात केली. जाधव यांच्या शेतात सापडलेला महिलेचा मृतदेह हा शरीराचा कमरेच्या खालचा भाग एवढाच या ठिकाणी सापडला असून कमरेच्या वरचा मृतदेह शोधण्याचे कसब आता पोलिसांना पोलिसांसमोर आहे.
प्रदीप जाधव यांच्या ऊसाची तोडणी आज सकाळपासून सुरू करण्यात आली असून या ठिकाणी इतर अवयव सापडतात का? याची चाचपणी पोलीस करत आहेत. प्रथमदर्शनी हा खून असावा किंवा अंधश्रद्धेच्या प्रकारातून नरबळी देण्याचा प्रकार असावा असा कयास लावला जात असून हा घात आहे की अन्य काही प्रकार याविषयी पोलीस शोध घेत आहेत. या मृतदेहाचा शोध लावण्याचे पोलिसांसमोर मोठे आव्हान असणार आहे. मयताची ओळख पटवण्याबरोबरच आरोपींना शोधण्याचे देखील पोलिसांपुढे मोठे आव्हान असणार आहे.
