कोल्हापूर : महान्यूज लाईव्ह
कोल्हापूरमध्ये नरबळी आणि जादूटोण्याच्या नावाखाली 85 लाख रुपयांची फसवणूक केल्याप्रकरणी तृप्ती मुळीक नावाची सिंधुदुर्ग जिल्ह्यातील पोलीस दलात काम करणारी पोलीस अंमलदार तिच्यावर गुन्हा दाखल झाला असून सिंधुदुर्गच्या जिल्हा पोलीस अधीक्षकांनी तिचं निलंबन केला आहे. काही महिन्यांपूर्वी उपमुख्यमंत्री अजित पवार मंत्री उदय सामंत यांच्या वाहनाची चालक झाल्यामुळे ती प्रकाशझोतात आली होती.
कोल्हापूर पोलिसांनी तिला अटक केली असून न्यायालयाने तिला तीन दिवसाची पोलीस कोठडी सुनावले आहे. कोल्हापूर येथील सुभाष कुलकर्णी यांनी तीन नोव्हेंबर रोजी कोल्हापूरमध्ये फसवणुकीची तक्रार दिली होती त्यावरून पोलिसांनी तृप्ती मुळीक, दीपक पाटणकर, अण्णा उर्फ नित्यानंद नायक, धनश्री काळभोर, भारत पाटणकर, हरीश राऊत, कुंडलिक झगडे, ओमकार पाटणकर, शशिकांत गोळे यांना विरोधात गुन्हा दाखल केला या सगळ्यांवर नरबळी जादूटोणा प्रतिबंधक कायद्याखाली 84 लाख 69 हजार रुपयांच्या फसवणुकीचा गुन्हा दाखल केला होता.
या नऊ जणांनी नरबळी आणि इतर आघोरी प्रकार करत 24 लाख 85 हजार रुपयांचे सोन्याचे दागिने, दोन लाख 80 हजार रुपयांचे चांदीचे दागिने, 54 लाख 84 हजार रुपयांची रोख रक्कम ज्यामध्ये आरटीजीएस समाविष्ट आहे आणि दोन लाख रुपयांच्या लाकडी वस्तू व बंदूक फसवून घेतल्याचा गुन्हा कुलकर्णी यांनी दाखल केला होता. त्यावरून पोलिसांनी ही कारवाई केली असून तृप्ती मुळीक हिला पोलीस कोठडी सुनावताच सिंधुदुर्गच्या जिल्हा पोलीस अधीक्षकांनी तिचे निलंबन केले आहे.
