पुणे : महान्यूज लाईव्ह
दोन्ही घटना कालच्या आहेत, एक चंद्रपूर तर दुसरी रत्नागिरी जिल्ह्यातील! चंद्रपूर जिल्ह्यातील मुल येथील दुय्यम निबंधक असलेली महिला वैशाली वैजनाथ मिटकरी हिला दुसऱ्या व्यक्तीच्या नावे शेत जमीन करण्यासाठी दहा हजार रुपयांची लाच स्वीकारताना लाचलुचपत प्रतिबंधक विभागाने पकडले. लाचलुचपत प्रतिबंधक विभागाने ही कारवाई काल म्हणजे 12 ऑक्टोबर रोजी केली.
मुल तालुक्यातील मारोडा येथील एका दस्तऐवज तयार करण्याचे काम करणाऱ्या व्यक्तीने एकाची शेतजमीन दुसऱ्याच्या नावावर करायची होती, त्यासाठी दस्त नोंदणीची कागदपत्रे दुय्यम निबंधक कार्यालयात नेली. तेव्हा दस्तनोंदणी करण्यासाठी मिटकरी हिने पंधरा हजार रुपयांची लाच मागितली. तडजोडीअंती १० हजार रुपयांची लाच ठरली.
मात्र कंटाळलेल्या तक्रारदाराने थेट लाचलुचपत प्रतिबंधक विभागाचे कार्यालय गाठले. केलेल्या मिटकरी हिने लाच मागितल्याचे निष्पन्न झाल्याने, लाचलुचपत प्रतिबंधक विभागाने सापळा रचून पैसे स्वीकारताना वैशाली मिटकरी हिला रंगेहाथ पकडले.
साहेबाने शेण खाल्ले..
दुसऱ्या घटनेत सावंतवाडी पोलीस ठाण्यातील सहाय्यक निरीक्षक सागर खंडागळे याला एक लाखाची लाच स्वीकारताना रायगडच्या लाचलुजपत प्रतिबंधक विभागाने रंगी हात पकडले याच प्रकरणात फौजदार सुरज पाटील याच्या विरुद्ध देखील गुन्हा दाखल करण्यात आला.
लाच लुचपत प्रतिबंधक विभागाच्या सूत्रांनी दिलेल्या माहितीनुसार सावंतवाडी पोलीस ठाण्यात काही दिवसापूर्वी एक फसवणुकीचा गुन्हा दाखल करण्यात आला होता. या गुन्ह्यातील संशयित आरोपीला उच्च न्यायालयाने जामीन मंजूर केला, मात्र यातीलच दुसऱ्या आरोपीला अजून अटक केली जात नसल्याने त्याची अटक टाळण्यासाठी आरोपीकडे सहाय्यक निरीक्षक सागर खंडागळे याने दबाव आणला.
त्यावरून आरोपीने लाचलुचपत प्रतिबंधक विभागाचे कार्यालय गाठले. तेथे लातूर प्रतिबंधक विभागाने खंडागळे व सुरज पाटील या दोघांचा आरोपीशी झालेला संवाद रेकॉर्ड केला. त्यामध्ये एक लाख रुपयाची लाच खंडागळे यांनी मागितल्याचे दिसले. यावरून एक लाख रुपयांची लाच सावंतवाडी पोलीस ठाण्यात पकडताना स्वीकारताना पोलीस निरीक्षक सागर खंडागळे याला रंगेहाथ पकडले.
