पुणे : महान्यूज लाईव्ह
शिवाजी नगर येथील हॉटेल मॅनेजमेंट चे शिक्षण देणार्या यूईआय ग्लोबल एज्युकेशन संस्थेने पुण्यात गोवा फूड फेस्टिव्हल ( खाद्य महोत्सव) चे आयोजन केले. गोवा राज्यातील शाकाहारी आणि मांसाहारी पदार्थांचा समावेश यामध्ये करण्यात आला होता.
यूइआय ग्लोबल एज्युकेशन च्या प्रथम वर्षाच्या विद्यार्थ्यांनी शनिवारी फिशरमॅन्स व्हार्फ – गोवा फन अनलिमिटेड या गोवन थीमनुसार अनेक रुचकर पदार्थ बनवून पाहुणे म्हणून आलेल्या त्यांच्याच पालकांना जेवण दिले. या मेनू मध्ये वेलकम ड्रिंक, मिंटी पिंक कूलर, स्टार्टर मध्ये व्हेज पाय ओवर स्पाइसी पोटेटो, मेन कोर्स मध्ये ग्रिल ओबरजीन, ग्रील मॅकरेल, ब्राऊन राईस, पोइ इन स्पाइसी रस आणि डेझर्ट मध्ये बीबीनका, नेवरी अश्या चविष्ट पदार्थांचा आस्वाद पाहुण्यांनी घेतला.
या वेळी विद्यार्थ्यांनी गोवन नृत्याचे सादरीकरण केले आणि त्यांच्या संस्कृतीची कार्यक्रमाच्या माध्यमातून ओळख करून दिली. यूईआय ग्लोबल एज्युकेशन ही संस्था गेली 16 वर्षे हॉस्पिटॅलिटी मॅनेजमेंट या क्षेत्रात कार्यरत आहे. रोजगार उपलब्ध होण्याच्या उद्देशाने यूईआय ग्लोबल एज्युकेशन त्यांच्या अभ्यासक्रमात वेळोवेळी नवनवीन गोष्टीचा समावेश करते.
फूड फेस्टिव्हल च्या माध्यमातून मुलांच्या कलागुणांना वाव मिळतो आणि त्यांना प्रत्यक्ष हॉटेलमध्ये काम करण्याचा प्रॅक्टिकल अनुभव मिळतो. यामुळे दरवर्षी यूईआय ग्लोबल एज्युकेशन च्या सर्व शाखामध्ये अशा प्रकारच्या फूड फेस्टिव्हल चे आयोजन करण्यात येते अशी माहिती यूईआय ग्लोबल एज्युकेशन चे व्यवस्थापकीय संचालक मनीष खन्ना व उपसंचालिका सौ. वैशाली चव्हाण यांनी दिली.
