डोर्लेवाडी : महान्यूज लाईव्ह
बारामती तालुक्यातील डोर्लेवाडी येथील ग्रामपंचायतीच्या उपसरपंचपदी दत्तात्रय जगन्नाथ काळोखे यांची बिनविरोध निवड करण्यात आली.
येथील उपसरपंच दादासाहेब दळवी यांनी राजीनामा दिल्यानंतर रिक्त झालेल्या पदासाठी सरपंच बाळासाहेब सलवदे यांच्या अध्यक्षतेखाली आज (ता.३१) उपसरपंचपदाची निवडणूक घेण्यात आली. यामध्ये दत्तात्रय काळोखे यांचा एकमेव अर्ज आल्याने ग्रामविकास अधिकारी ए. जी. सय्यद यांनी काळोखे यांची बिनविरोध निवड झाल्याचे जाहीर केले.
यावेळी ग्रामपंचायत सदस्य शहाजी दळवी, पुष्पलता मोरे, संगीता मदने, अलका भोपळे, संदीप नाळे, रामदास कालगावकर, सिंधू निंबाळकर, रामभाऊ बनकर, दादासाहेब दळवी, सुनीता खोत,साधना भोपळे संतोष नाळे आदींसह ग्रामस्थ मोठ्या संख्येने उपस्थित होते.निवडीनंतर उपसरपंच यांचा मान्यवरांच्या हस्ते सत्कार करण्यात आला.
