दौंड : महान्यूज लाईव्ह
पुणे सोलापूर महामार्गावर दौंड तालुक्यातील कासुर्डी टोल नाक्यापासून काही अंतरावर असलेल्या खामगाव फाटा येथे शिवशाही बसला ट्रकने जोरदार धडक दिल्याने भिषण अपघाताची घटना घडली. मात्र, या अपघातात वाहनचालक आणि इतर प्रवाशी किरकोळ जखमी झाले आहेत. सुदैवाने जीवतीहानी झाली नसली तरी बसची तोडफोड झाल्याने मोठे नुकसान झाले आहे.
दौंड तालुक्यातील खामगाव फाटा येथे सोमवारी (दि.19) दोन वाजण्याच्या सुमारास हा अपघात झाला. स्वारगेट ते सोलापूर ही शिवशाही बस पुणे सोलापुर महामार्गावरून खामगाव फाटा येथे आली असताना खामगावकडून भरधाव वेगाने येणा-या ट्रकने या बसला जोरदार धडक दिली.
शिवशाही बसच्या वाहनचालकाने सावधगिरी बाळगत वेळेत वाहनावरील ताबा न सोडता महामार्गावरून ये- जा करणाऱ्या वाहनांचा अंदाज घेत सुखरूप सुरक्षित ठिकाणी नेऊन बस उभी केली. यावेळी पुणेकडे जाणारी एक पिकअप जीप गाडीला किंचत घासून गेली. विचित्र असा हा अपघात झाला.
या अपघातात वाहनचालक किरकोळ जखमी झाला असून वाहनचालकाने बसमधील अनेक प्रवाशी किरकोळ जखमी झाले. मात्र या अपघातातून ते थोडक्यात बचावले असल्याचे प्रत्यक्षदर्शनी सांगितले. मात्र, खामगावकडून येणाऱ्या आणि अपघात करणाऱ्या ट्रकचालकाने अपघाताची घटना घडताच ट्रक न थांबविता भरधाव वेगाने पळून गेला.
शिवशाही बसच्या चालकाच्या प्रसंगावधाने मोठी जीवीताहानी टळली आहे. मात्र शिवशाही बसची पुढील बाजून दोन्ही बाजूचे मोडतोड झाल्याने मोठे नुकसान झाले आहे. दरम्यान, या अपघाताची कोणतीही खबर यवत पोलीस स्टेशनमध्ये दाखल नसल्याची माहिती यवत पोलीसांनी दिली आहे.
