विक्रम वरे, महान्यूज लाईव्ह
नऊ कोटी रुपयांचे कर्ज फेडू न शकल्यानं अभिनेता राजपाल यादव यांची तुरुंगवारी झाली आहे.गेल्या आठवड्यापासून ते तिहारच्या कारागृहात आहेत. त्यांना तुरुंगातून बाहेर काढण्यासाठी सोशल मीडियावर मोहीम सुरूय. लोक सहानुभूती व्यक्त करत त्यांना आर्थिक मदत देत आहेत. दरम्यान “अता पता लपता” या चित्रपटाशी संबंधित चेक बाउन्स प्रकरणी राजपाल यादव यांना तुरुंगात जावे लागले आहे.
त्यांच्या जामीन अर्जावर आज दिल्ली उच्च न्यायालयात सुनावणी होणार आहे. याचदरम्यान अनेकांना प्रश्न पडतोय की, राजपाल यादव यांना खरोखरच अशा प्रकारच्या आर्थिक मदत गरज आहे का? ते खरंच आर्थिक अडचणीत आहेत, ते सहानुभूतीच्या पात्र आहेत का?
‘अता पता लपता’ या चित्रपटामुळे अडचणीत,2010 मध्ये राजपाल यादव यांनी “अता पता लपता” चित्रपट बनवला. त्यासाठी त्यांनी मुरली प्रोजेक्ट्स प्रायव्हेट लिमिटेडकडून 5 कोटी रुपयांचे कर्ज घेतले. पण चित्रपट फ्लॉप झाल्यानंतर ते पैसे परत करू शकले नाहीत. कर्ज घेताना त्यांनी दिलेला चेकही बाउन्स झाला. 2018 मध्ये चेक बाउन्स झाल्याबद्दल त्यांना सहा महिन्यांच्या तुरुंगवासाची शिक्षा सुनावण्यात आली होती, पण राजपाल यादव यांनी पैसे परत करण्याचे आश्वासन दिलं होतं, त्यामुळे उच्च न्यायालयाने त्यांना दिलासा दिला होता.
या 15 वर्षांमध्ये 5 कोटीचं कर्ज 9 कोटींपर्यंत पोहोचलं. परंतु राजपाल यादव यांनी एकही रुपया परत केला नाही. त्यानंतर न्यायालयाने राजपाल यादव यांना सरेंडर होण्याचे आदेश दिले. त्यानंतर 5 फेब्रुवारी रोजी राजपाल यादव तिहारच्या तुरुंगात जमा झाले. कर्ज फेडण्याऐवजी राजपाल यादव यांनी स्वतःला दिवाळखोर घोषित केले आणि तुरुंगात जाणं पसंत केलं
दरम्यान राजपाल यादव यांच्या मदतीला बॉलिवूडमधील अनेक कलाकरांनी मदत केली आहे. त्यामुळे राजपाल यादव यांच्या तुरुंगातून सुटकेचा मार्ग मोकळा झालाय. परिस्थिती बिघडल्यानंतर उद्योग त्याच्या पाठीशी खंबीरपणे उभा असल्याचे त्यांच्या मॅनेजरनेदेखील सांगितले. पण राजपाल यादवची आर्थिक परिस्थिती खरोखरच इतकी बिकट आहे का की तो ५ कोटी रुपयांचे कर्ज फेडू शकत नाही?
राजपाल यादवचे घर उत्तर प्रदेशातील शाहजहांपूरपासून 60 किलोमीटर अंतरावर असलेल्या कुंडारा गावातील आहे. त्याचे घर 8 एकरमध्ये पसरलेले आहे. 8 एकरांवर पसरलेल्या या घराची किंमत बाजारभावानुसार 50 कोटी रुपये असल्याचे म्हटले जाते. एखाद्या भव्य राजवाड्याप्रमाणे, याला एक भव्य गेट आहे. या कॅम्पसमध्ये एक मंदिर आहे. राजपाल यादव यांचे 200 एकर बागायती शेत जमीन आहे. शाहजहांपूरच्या एका आलिशान भागात त्याच्याकडे 50 ते 60 कोटी रुपयांचा भूखंड आहे. तर, राजपाल यादवची स्थिती अशी का आहे?
एका गावातील एखादा गरीब व्यक्ती आपल्या मुलीच्या लग्नाचे कर्ज फेडण्यासाठी आपली जमीन विकत असतो. पण कोट्यवधी रुपयांची मालमत्ता असलेला तथाकथित गरीब राजपाल यादव यांनी तसे केले नाही. कर्ज फेडण्यासाठी तो त्याच्या जमिनीचा एक छोटासा तुकडा विकू शकला असता. पण त्याने तुरुंगात जाऊन स्वतःला आर्थिक अडचणीचा बळी घोषित करण्याचा निर्णय घेतला आणि याचा आर्थिक, सामाजिक आणि व्यावसायिक फायदाही झाला आहे.
राजपाल यादव एका चित्रपटातून एक ते तीन कोटी रुपये कमवतात. स्टेज शो आणि कार्यक्रमांसाठी 10 ते 15 लाख रुपये घेतो. तसेच सोशल मीडिया प्लॅटफॉर्मद्वारे ब्रँड प्रमोशनद्वारे देखील पैसे कमवतो. 2025 मध्ये त्याचे 4 ते 5 हिंदी चित्रपट प्रदर्शित झाले होते. 2018 मध्ये न्यायालयात पैसे परत करण्याचे आश्वासन दिल्यापासून त्याने 30 ते 40 चित्रपट प्रदर्शित केले आहेत. राजपाल यादव अक्षय कुमारच्या आगामी चित्रपटातही काम करत आहे. हा चित्रपट एप्रिलमध्ये प्रदर्शित होणार आहे. राजपाल यादव सध्या हिंदी, तेलगू आणि कन्नड भाषेतील आठ हून अधिक चित्रपटांवर काम करत आहे.
