निलेश भोंग, इंदापूर
भाजपा मध्य मंडल निमगाव केतकी (ता. इंदापूर) आयोजित गौरी गणपती सजावट स्पर्धेत १०० हून अधिक महिला स्पर्धकांनी सहभाग घेतला होता. या स्पर्धेत लक्ष्मी भोंग (निमगाव केतकी), आसावरी गटकूळ (निमगाव केतकी) यांनी प्रथम क्रमांक पटकावला. सविता राऊत (इंदापूर), वर्षा पवार (निमसाखर) यांनी द्वितीय क्रमांक पटकावला तर अश्विनी मुळीक (लासुर्णे), प्रीती आदलिंग (चोपन फाटा) यांनी तृतीय क्रमांक पटकावला. उत्तेजनार्थ पारितोषिक प्रियांका पवार यांना देण्यात आले.
या स्पर्धेसाठी भाजपाचे युवा नेते प्रवीण माने यांनी पारितोषिके दिली होती, तर भाजपा तालुकाध्यक्ष राजकुमार जठार यांनी या स्पर्धेचे आयोजन केले होते. या स्पर्धेसाठी परीक्षक म्हणून प्राजक्ता रासकर, सुजाता जठार, सुजाता कुलकर्णी, संतोष हेगडे, संकेत भागवत यांनी काम पाहिले.
प्रत्येक घरामध्ये सर्व महिलांनी विविध सामाजिक संदेश देत देखावे उभारले होते. या देखाव्यामध्ये शेतकऱ्यांचे जीवन, पालखी सोहळा, देवतांच्या कथा, तसेच देशभक्ति अशा संकल्पनांवर आधारित संदेश व सजावट करण्यात आली होती. जयश्री पवार, उज्वला जगताप, प्रमिला काळे, रूपाली पाठक, ज्योती जगताप यांना उत्तेजनार्थ बक्षीस देण्यात येणार आहे. तसेच स्पर्धेत सहभागी होणाऱ्या सर्व महिलांसाठी बक्षीस देण्यात येणार आहे.
