कार्यालयावरील कारवाईला स्थगितीनंतर कंगणा म्हणते.. ‘याद रख बाबर… मंदिर वही बनेगा’

अभिनेत्री कंगनाच्या कार्यालयावर मुंबई महापालिकेने कारवाई केल्यानंतर कंगनाने आपल्या कार्यालयाची थेट तुलना राम मंदिराशी केली आहे. तसेच सरकारला बाबरची उपमा दिली आहे. तर मुंबईला पाकिस्तान संबोधले आहे.

मुंबई : महान्यूज लाईव्ह

मुंबई उच्च न्यायालयाने बुधवारी अभिनेता कंगना राणावत हिच्या बंगल्यातील बेकायदेशीर बांधकाम पाडण्याच्या प्रक्रियेला स्थगिती देण्याचे आदेश मुंबई महापालिकेला दिले आहेत. बंगल्यात “बेकायदा बांधकाम” केल्याबद्दल मुंबई महापालिकेने बजावलेल्या नोटीसला आव्हान देत कंगनाने बुधवारी मुंबई उच्च न्यायालयात धाव घेतली होती. विशेष म्हणजे, या सर्व प्रकारानंतर कंगणा रनौतने ट्विट करत आपला संताप व्यक्त केला आहे.

मागील काही दिवसात कंगना राणावत विरुद्ध शिवसेना आणि महाविकास आघाडी सरकार यांच्यात चांगलाच वाद रंगला आहे. त्यातच आज मुंबई महापालिकेने कंगनाच्या अनधिकृत बांधकाम असलेल्या कार्यालयावर हातोडा टाकत कारवाई सुरू केली होती. त्यावर कंगणाने याद याद रख बाबर यह मंदिर फिर बनेगा असे ट्विट केले.

‘मणिकर्णिका फ़िल्मने पहिला सिनेमा अयोध्याची घोषणा केली होती. त्यामुळे ही माझ्यासाठी फक्त एक इमारत नाही तर राम मंदिरच आहे, आज इथे बाबर आला आहे. आज इतिहासाची पुनरावृत्ती होत आहे. राम मंदिर पुन्हा तुटेल… पण लक्षात ठेव बाबर मंदिर तिथेच बनेल, मंदिर तिथेच बनेल जय श्री राम , जय श्री राम , जय श्री राम.’ असे ट्विट करत तिने आपला संताप व्यक्त केला.

त्याचवेळी मुंबई महापालिकेच्या कारवाईवेळी महापालिका कर्मचाऱ्यांना बाबरची आर्मी तर मुंबईला पुन्हा ‘पाकिस्तान’ असेही तिने संबोधले आहे. कंगनाने मुंबई पोलिसांचा निषेध करत मुंबईची तुलना पाक व्याप्त काश्मीरशी केली आहे. दरम्यान, कंगनाच्या या वादगस्त विधानानंतर शिवसेनेसह राष्ट्रवादी कॉंग्रेस आणि कॉंग्रेस पक्षाच्या सर्वच नेत्यांनी कंगनाचा निषेध केला आहे. कंगनाने आधी मुंबईला पाक व्याप्त काश्मीर तर आता थेट पाकिस्तानचीच उपाधी दिल्याने हा वाद आणखीच पेटला आहे.

मणिकर्णिका फ़िल्म्ज़ में पहली फ़िल्म अयोध्या की घोषणा हुई, यह मेरे लिए एक इमारत नहीं राम मंदिर ही है, आज वहाँ बाबर आया है, आज इतिहास फिर खुद को दोहराएगा राम मंदिर फिर टूटेगा मगर याद रख बाबर यह मंदिर फिर बनेगा यह मंदिर फिर बनेगा, जय श्री राम , जय श्री राम , जय श्री राम 🙏 pic.twitter.com/KvY9T0Nkvi
— Kangana Ranaut (Modi Ka Parivar) (@KanganaTeam) September 9, 2020