बारामती : महान्यूज लाईव्ह
शनिवार हा दिवस तसा गेल्या काही महिन्यांपासून उपमुख्यमंत्री अजित पवार यांच्या भोवती केंद्रित झालेला दिसतो.. आज बारामती आणि इंदापूर तालुक्यात मात्र भाजप आणि राष्ट्रवादीच्या या दोन नेत्यांमधील एक वेगळाच जलवा पाहायला मिळाला.. बारामतीत अजित पवार यांनी कंपनीच्या रिक्षा युनिटला भेट दिल्यानंतर स्वतः रिक्षा चालवली; तर दुसरीकडे जनजागृतीच्या निमित्ताने माजी मंत्री हर्षवर्धन पाटील यांनी सायकल फेरीत भाग घेतला..!
अजित पवार यांनी रिक्षा चालविल्याचा व्हिडिओ येथे पहा..
आज बारामतीत वेगवेगळ्या कार्यक्रमांचे उद्घाटन लोकार्पण आणि भूमिपूजनाच्या निमित्ताने उपमुख्यमंत्री अजित पवार यांनी शहरातील विविध भागात पाहणी केली. याच दरम्यान त्यांनी पियाजिओ कंपनीच्या रिक्षा युनिटला भेट दिली. या ठिकाणी त्यांनी स्वतः रिक्षा चालवली, हे पाहून अनेकांना हा क्षण कॅमेरात टिपायचा मोह आवरला नाही.
हर्षवर्धन पाटील यांच्या सायकल यात्रेचा व्हिडिओ येथे पहा.
दुसरीकडे इंदापुरात माजी मंत्री हर्षवर्धन पाटील यांनी सायकल फेरी मध्ये सहभाग घेतला. त्यांनी स्वतः सायकल चालवली. हर्षवर्धन पाटील यांच्याच वाढदिवसानिमित्त भिगवण सायकल क्लब, इंदापूर सायकल क्लब आणि इंदापूरच्या कला विज्ञान व वाणिज्य महाविद्यालयाने 58 किलोमीटर सायकल रॅलीचे आयोजन केले होते. यामध्ये हर्षवर्धन पाटील यांनी भाग घेतला आणि त्यांनी इंदापूर महाविद्यालयापर्यंत सायकल प्रवास केला. मालोजी चौकापासून त्यांनी स्वतः सायकल चालवली.