दौंड : महान्यूज लाईव्ह
दौंड तालुक्याचे माजी आमदार कै. सुभाष कुल यांच्या २० व्या पुण्यतिथीनिमित्त तालुक्यातील अस्थिव्यंग प्रवर्गातील दिव्यांगांना मोफत मोटाराईज ट्राय सायकल वाटप करण्यात येणार आहे अशी माहिती आमदार राहुल कुल यांनी दिली.
शनिवारी ( दि.१० ) बोरमलनाथ मंदिर, केडगाव – चौफुला येथे या वाटप कार्यक्रमांचे नियोजन करण्यात आले आहे. या शिबिरात ८०% किंवा त्यापेक्षा अधिक टक्केवारी असणारे अस्थिव्यंग प्रवर्गातील दिव्यांग (अंध, मुकबधीर व मतिमंद वगळता), वयोगट १८ ते ५५ वर्षे, दोन्ही हात सक्षम व कमरेखालील व्यंग यांना लाभ घेता येणार आहे.
लाभार्थ्यांनी शिबिरास येताना ८०% किंवा त्यापेक्षा अधिक टक्केवारी असणारे अस्थिव्यंग प्रवर्गातील ऑनलाइन प्रमाणपत्र व झेरॉक्स प्रत, मूळ आधार कार्ड व झेरॉक्स प्रत, रेशन कार्ड किंवा उत्पन्नाचा दाखला किंवा डीआरडी प्रमाणपत्राची झेरॉक्स प्रत, दिव्यांगत्व दिसेल असे पासपोर्ट आकाराचे दोन फोटो आदी कागदपत्रे घेवून यावीत.
या शिबिराच्या नाव नोंदणी व अधिक माहितीसाठी आमदार ॲड. राहुल कुल यांचे मध्यवर्ती संपर्क कार्यालय, चौफुला येथे तसेच ७०३८ ६६ ७७ ९९ या क्रमांकावर संपर्क साधवा, असे आवाहन आमदार कुल यांनी केले आहे.
