बारामती : जिल्हा परिषद पुणे व जिल्हा क्रीडा अधिकारी कार्यालय, पुणे यांच्या संयुक्त विद्यमाने आयोजित शासकीय जिल्हास्तरीय शालेय आट्यापाट्या क्रीडा स्पर्धेत श्री भैरवनाथ जनसेवा विद्यालय, उंडवडी कडेपठारच्या खेळाडूंनी चमकदार कामगिरी करत दुहेरी यश संपादन केले आहे. विद्यालयाच्या मुलांच्या तसेच १७ वर्षे वयोगट मुलींच्या संघाने उत्कृष्ट सांघिक खेळाच्या जोरावर जिल्हास्तरीय विजेतेपद पटकावून जिल्ह्यात प्रथम क्रमांक मिळवला आहे. या घवघवीत यशामुळे दोन्ही संघांची विभागीय पातळीवरील स्पर्धेसाठी निवड झाली आहे.
या स्पर्धेत मुलांच्या संघात रोहित अजित जराड, ओम सुनील बनकर, कुणाल किरण काळे, संस्कार दत्तात्रय जराड, आर्यन अनिल साळुंके, स्वराज प्रमोद भोईटे, जयराम आप्पा घुले, अथर्व कैलास आटोळे, असद जावेद सय्यद, सुरज बापूराव चव्हाण, सत्यजित सोमनाथ झगडे आणि आर्यन राहुल कोकरे यांनी मैदानावर वर्चस्व राखत विजय खेचून आणला.
तसेच १७ वर्षे वयोगट मुलींच्या संघात कु. सिद्धी राजेंद्र साळुंके, सायली चंद्रकांत जराड, सृष्टी बाळासाहेब जाधव, जान्हवी नवनाथ जराड, कादंबरी किरण जराड, अंजली अनिल साळुंके, काजल नवनाथ जराड, साक्षी लक्ष्मण साळुंके, सोनाक्षी बाळासो बनकर, किरण गणेश गोलांडे, प्रणिता बापू चव्हाण, रिया राजकुमार जराड आणि दीक्षा पप्पू जगताप यांनी नेत्रदीपक खेळ सादर करत विजेतेपदावर नाव कोरले. या खेळाडूंना विद्यालयाचे क्रीडा शिक्षक संजय जगन्नाथ घुले व रवींद्र सुदाम वाडते यांचे मोलाचे मार्गदर्शन लाभले.
या यशाबद्दल श्री भैरवनाथ शिक्षण मंडळाचे चेअरमन अशोक साळुंके, सचिव सतीश जराड, सर्व संचालक मंडळ तसेच विद्यालयाचे मुख्याध्यापक वल्लभ चौधरी यांनी विजयी खेळाडू व क्रीडा शिक्षकांचे विशेष अभिनंदन केले. विद्यार्थ्यांच्या या यशाबद्दल उंडवडी कडेपठार गाव व परिसरातून त्यांच्यावर कौतुकाचा वर्षाव होत असून पुढील विभागीय स्पर्धेसाठी शुभेच्छा दिल्या जात आहेत.
