५ लाख ५० हजारांची लाच मागितली; ₹५० हजार स्वीकारताना अधिकाऱ्यावर एसीबीचा सापळा!
लाचखोरीप्रकरणी कारवाई; पुणे एसीबीच्या पथकाची धडक कारवाई
पुणे : अकलूज मध्ये तक्रारदाराविरोधात आणि त्याच्या भावा विरोधात गुन्हा दाखल न करण्यासाठी हवालदार अनिल शिंदे हवालदार राहुल वाघ यांनी डीवायएसपी संतोष वाळके याच्यासाठी 25 लाख रुपये लाच मागितली तकडदराने नकार दिला मग तक्रार आणि त्याच्या भावा विरोधात अकलूज पोलीस ठाण्यात गुन्हा दाखल झाला. तिथूनच पुढे एक मोठं कांड घडलं! ज्याच्यात एक ड्रायव्हरही अडकला आणि आबा देखील!
ही लाचखोरीची कहाणी आहे, सोलापूरच्या अकलूज मधील! येथे उपविभागीय पोलीस अधिकारी संतोष वाळके याच्याकरिता दोन हवालदारांनी पाच लाख 50 हजार रुपयांची लाच मागितली. तक्रारदाराच्या भावाविरोधात आणि इतर लोकांच्या विरोधात गुन्हा दाखल झाल्यानंतर हवालदार अनिल शिंदेने एक खाजगी व्यक्ती असलेला आबा वळकुंदे यांच्या मोबाईल फोनवरून तक्रारदाराशी संपर्क साधला आणि जर तुम्ही 25 लाख रुपये अगोदरच दिले असते, तर गुन्हाच दाखल झाला नसता असे सांगत आता अटकपूर्व जामीन मिळवायचा असेल आणि पीसी अँड पीएनडीटी ही अतिरिक्त गुन्ह्याची कलमे न लावण्यासाठी डीवायएसपीला 25 लाख रुपये द्या, सध्या त्यापैकी पाच लाख रुपये द्या अशी मागणी केली.
त्यापैकी दहा लाख रुपयांची लाच हवालदार अनिल शिंदेने स्वीकारली व उर्वरित पंधरा लाख रुपयांची मागणी केली अशा स्वरूपाची तक्रार तक्रारदाराने लाचलुचपत प्रतिबंधक विभागाच्या पुणे शाखेकडे केली. पुणे शाखेने या संदर्भात 21 ऑगस्ट रोजी झालेल्या तक्रारीवरून 24 ऑगस्ट रोजी मागणीची पडताळणी केली. त्यावर खाजगी व्यक्ती असलेला आबा वळकुंदे याने तक्रारदाराकडे दोन्ही पंचासमक्ष पोलीस हवालदार अनिल शिंदे आणि डीवायएसपी संतोष वाळके या दोघांकरिता 25 लाख रुपयांची लाचेची मागणी केली आणि पुण्यातील इतर दोन आरोपींसाठी यापूर्वी हवालदार अनिल शिंदेने दहा लाख रुपयांची लाच स्वीकारल्याचे मान्य केल्याचे निष्पन्न झाले.
लाचलुचपत प्रतिबंधक विभागाने पुन्हा 27 ऑगस्ट रोजी पडताळणी केली. त्यामध्ये खाजगी सम आबा वळकुंदे आणि महादेव माने या दोघांनी तक्रारदाराच्या आई-वडिलांना गुन्ह्यात अटक न करण्यासाठी आणि भारतीय न्याय संहिता 35 अन्वये नोटीस देण्यास सांगतो, असे बोलून तपास अधिकारी उपविभागीय पोलीस अधिकारी संतोष वाळके याच्यासाठी पाच लाख रुपये आणि पोलिस हवालदार वाघ याच्यासाठी 50 हजार रुपयांची लाच मागितली.
ही रक्कम 28 ऑगस्ट रोजी घेऊन येण्यास सांगितले. त्यावरून लाचलचपत प्रतिबंधक विभागाने 28 ऑगस्ट रोजी सापळा रचला आणि आबा वळकुंदे व खाजगी व्यक्ती महादेव माने या दोघांना हवालदार वाघ याच्यासाठी साडेपाच लाख रुपयांची रक्कम पालखी महामार्गावरील माळशिरस पिलीव रोडच्या पुलाखाली जानकर प्लॉट शेजारी स्वीकारताना रंगेहाथ पकडले.
लाचलुचपत प्रतिबंधक विभागाच्या उपाधीक्षक नीता मिसाळ, पोलीस उपअधीक्षक सतीश वाळके यांच्यासह पोलीस निरीक्षक मिथुन म्हात्रे, सहाय्यक फौजदार राजेश भाटे, कॉन्स्टेबल प्रवीण तावरे, अश्विन कुमकर, दगडू सोनवणे व चंद्रकांत कदम यांच्या पथकाने ही कारवाई केली.
डीवायएसपीवर कारवाई कधी?
दरम्यान या प्रकरणात सारी सूत्रे, डीवायएसपी संतोष वाळके याच्यासाठी सुरू होती, असं देखील लाच लुचपत प्रतिबंधक विभागाच्या एकूण पडताळणीमध्ये दिसून येत आहे. लाचलुचपत प्रतिबंधक विभागाच्या एकूण कारवाईतील मिनिट्स मध्ये ते नमूद करण्यात आलेले आहे. त्यामुळे आता यामध्ये जे प्रत्यक्षात अडकले आहेत, ते खाजगी व्यक्ती आणि हवालदार दर्जाचे पोलीस आहेत. मात्र ज्याच्या भरवशावर बिनदिक्कतपणे हे लोक लाच मागत होते, तो वरिष्ठ अधिकारी असलेला संतोष वाळके याच्यावर कारवाई होणार का? आणि नेमकी काय कारवाई होणार? याकडेही अकलूज करांचे आणि सोलापूर जिल्ह्याचे लक्ष लागून आहे.
