बारामती : महान्यूज लाईव्ह
उपमुख्यमंत्री अजित पवार व खासदार सुप्रिया सुळे यांचे विशेष प्रयत्नांतून आणि पवार पब्लिक चॅरिटेबल ट्रस्ट, स्वरूप फाउंडेशन मुंबई, यशवंतराव चव्हाण प्रतिष्ठान मुंबई आणि ठाकरशी ग्रुप यांच्या संयुक्त विद्यमाने कानाच्या श्रवणयंत्र मशीनसाठी मोजमाप पूर्व तपासणी शिबिराचे आयोजन राष्ट्रवादी काँग्रेस भवन कसबा-बारामती या ठिकाणी करण्यात आले होते.
या शिबिराचे उदघाटन तालुकाध्यक्ष संभाजी होळकर यांनी केले. तर स्वागत शहराध्यक्ष इम्तियाज शिकीलकर यांनी केले. दरम्यान उपमुख्यमंत्री अजित पवार यांचे खाजगी सचिव हनुमंत पाटील यांनी सदिच्छा भेट दिली.
आज झालेल्या शिबिरामध्ये २५५ कर्णबधिर ज्येष्ठ नागरिक व लहान मुलांची पूर्व मोजमाप तपासणी करण्यात आली. उद्या मंगळवारी (२४ ऑगस्ट २०२१ रोजी) राष्ट्रवादी काँग्रेस भवन कसबा बारामती याठिकाणी राहिलेल्या कर्णबधिर नागरिकांची तपासणी करण्यात येणार आहे.
कर्णबधिर नागरिकांनी तपासणी शिबिराचा लाभ घ्यावा असे आवाहन तालुका राष्ट्रवादी काँग्रेस पार्टीचे अध्यक्ष संभाजी होळकर यांनी केले.
कानांची मोजमाप तपासणी स्वरुप फाऊंडेशन च्या डॉक्टरांनी केली, तर मदतकार्य शारदानगर नर्सिंग स्कूल मधील विद्यार्थिनींनी केले.
यावेळी तालुकाध्यक्ष संभाजी होळकर, शहराध्यक्ष इम्तियाज शिकीलकर, उपमुख्यमंत्र्यांचे खाजगी सचिव हनुमंत पाटील, बारामती संजय गांधी निराधार योजना समितीचे अध्यक्ष धनवान वदक, बारामती तालुका सोशल मिडिया अध्यक्ष सुनिल बनसोडे, खासदार सुप्रिया सुळे यांचे स्वीय सहायक नितीन सातव, बारामती यशस्विनी सामजिक अभियान सहसमन्वयिका दिपाली पवार, निलेश जगताप, नितीन काकडे आदी उपस्थित होते.