महान्यूज आजची गझल
तडीपार झालो तुझ्यातून आता
असा मुक्त झालो गुन्ह्यातून आता
*
घडावे नवेसे असे फार काही
शिकावा धडा तू जुन्यातून आता
*
तसा चार दिवसात जाणार होतो
वगळता न येई तुझ्यातून आता
*
अशी दाटलेली उराशीच संध्या
दिसावीत किरणे दिव्यातून आता
*
बुडालीच स्वप्ने तिथे त्या तळ्याशी
उसळशील का तू तळ्यातून आता ?
*
तसे फार सुंदर तुझे शहर आहे
निघावे न वाटे पुण्यातून आता
*
गझलकार- श्रीपाद जोशी, मुंबई
सौजन्य : गझलपुष्प समूह पिंपरी-चिंचवड
