बारामती : न्यायालयीन कर्मचाऱ्यांच्या विविध प्रलंबित मागण्यांकडे शासनाचे लक्ष वेधण्यासाठी बारामती न्यायालयातील कर्मचाऱ्यांनी बुधवार (दि. १६) रोजी ‘समान काम, समान वेतन’ या प्रमुख मागणीसाठी आंदोलन केले. या आंदोलनात न्यायालयातील महिला व पुरुष कर्मचाऱ्यांनी मोठ्या संख्येने सहभागी होत आपल्या मागण्यांकडे शासनाचे लक्ष वेधले.
सकाळच्या सत्रात न्यायालयीन कर्मचारी एकत्र आले आणि शांततेच्या मार्गाने आंदोलन केले. समान स्वरूपाचे काम करणाऱ्या कर्मचाऱ्यांना समान वेतन मिळावे, तसेच न्यायालयीन कर्मचाऱ्यांच्या विविध मागण्यांबाबत शासनाने सकारात्मक भूमिका घ्यावी, अशी अपेक्षा यावेळी व्यक्त करण्यात आली.
आंदोलनादरम्यान कर्मचाऱ्यांनी कोणत्याही प्रकारची घोषणाबाजी किंवा गोंधळ न करता शिस्तबद्ध पद्धतीने आंदोलन केले. शांततामय मार्गाने आपल्या मागण्या मांडत शासनाचे लक्ष वेधण्याचा प्रयत्न कर्मचाऱ्यांनी केला. न्यायालयीन व्यवस्थेतील कर्मचाऱ्यांच्या मागण्यांवर शासनाने गांभीर्याने विचार करून योग्य निर्णय घ्यावा, अशी अपेक्षा आंदोलनकर्त्यांनी व्यक्त केली.
