एनसीबीने मोठ्या प्रमाणात गांजा पकडला, पण नेमका कुठे?
नांदेड जिल्ह्यातील नायगाव तालुक्यात की जळगाव जिल्ह्यातील एरंडोल तालुक्यात याबाबत संभ्रम निर्माण झाला आहे.
काही माध्यमातून नांदेड जिल्ह्यातील नायगाव तालुक्यात मांजरम येथे पाच ते सहा कोटींचा गांजा पकडला असल्याची माहिती देत आहेत. एनसीबीचे संचालक समीर वानखेडे यांची याबाबत व्हिडिओ क्लिपही दाखवली जात आहे.
परंतू एका वृत्तवाहिनीच्या वेब पोर्टलवर जळगाव जिल्ह्यातील एरंडोल येथे १५०० किलो गांजा पकडल्याची बातमी दिली गेली आहे. मात्र दोन्ही बातम्यांमध्ये दाखवला गेलेला फोटो मात्र एकच आहे. त्यामुळे गांजा नेमका कुठे व किती पकडला गेला याबाबत संभ्रम निर्माण झाला आहे.