बारामती : महान्यूज लाईव्ह
नवरात्र उत्सवानिमित्त बारामती तालुका मराठा सेवा संघ प्रणित जिजाऊ सेवा संघ यांच्या वतीने ‘महिलांसाठी उपवासाची पाककला’ स्पर्धेचे आयोजन बुधवार दि.२४ सप्टेंबर रोजी आयोजित करण्यात आले होते या स्पर्धेत उपवासाचे इडली सांबर हा पदार्थ तयार करणाऱ्या अनुराधा नाळे यांनी प्रथम क्रमांक पटकाविला.
या स्पर्धेत उपवासाचे तिखट पदार्थ मधील विजेत्या
प्रथम क्रमांक- अनुराधा नाळे यांनी उपवासाचे इडली सांबर सादर केले होते. या स्पर्धेत द्वितीय क्रमांक विद्या कुंभार यांनी मिळवला. त्यांनी पॅटीस हा पदार्थ तयार केला होता, तर तृतीय क्रमांक विनिता नरवणीकर यांच्या उपवासाचा सामोसा या पदार्थाला मिळाला. या स्पर्धेतील उत्तेजनार्थ पारितोषिक प्राजक्ता जगताप यांना देण्यात आले.
उपवासाचे गोड पदार्थ या प्रकारात मखाना मावा पोळी हा खाद्यपदार्थ सादर करणाऱ्या मोनिका आगवणे या विजेत्या ठरल्या. तर ड्रायफूट्स रोल हा पदार्थ सादर करणाऱ्या स्वरांजली झिरपे यांचा दुसरा क्रमांक तर मोदक सादर करणाऱ्या पूजा भोसले यांचा तृतीय क्रमांक आला. उत्तेजनार्थ पारितोषिक अफसाना शेख यांच्या मखाना खीर व प्रतिभा भोजे यांच्या बिस्किट या पदार्थाला मिळाले.
नोकरी, व्यवसाय व गृहणी म्हणून काम करत असताना महिलांना नवनवीन पदार्थ तयार यावेत,शरीराला जे उत्कृष्ट आहे ते कुटूंबाला मिळावे म्हणून स्त्रीची भूमिका प्रमुख असल्याने पाककला महत्वाची असल्याने स्वयंपाक घराला उजाळा देण्यासाठी सदर स्पर्धेचे आयोजन केल्याचे अध्यक्षा स्वाती ढवाण यांनी सांगितले.
या प्रसंगी मराठा सेवा संघाच्या विश्वस्त जयश्री सातव, छाया कदम, विजया कदम, बारामती बँक संचालिका कल्पना शिंदे, मराठा महासंघ अध्यक्षा अर्चना सातव व राजश्री भोसले, व्हेरिटास इंजिनिअरिंगच्या संचालिका नीलम भापकर, उत्कर्ष डेव्हलपर्सच्या राजेश्वरी जगताप, ओम साई लॉन्सच्या वनीता तावरे, भगिनी मंडळाच्या विश्वस्त सुनिता शहा, सीमा चव्हाण, अंजली संगई, परीक्षक लीना बालगुडे, नाजनिन तांबोळी व जिजाऊ सेवा संघाच्या अध्यक्षा स्वाती ढवाण व मनीषा शिंदे, सुनंदा जगताप, कल्पना माने, सारिका मोरे, मनीषा खेडेकर, ऋतुजा नलावडे, गौरी पाटील, वंदना जाधव, सुवर्णा केसकर, विद्या निंबाळकर, पूजा खलाटे, भारती शेळके, संगीता साळुंखे, अमृता सूर्यवंशी व कृष्णा राजाराम अष्टेकर ज्वेलर्सचे अनिकेत पोळके व निखिल खरात आदी उपस्थित होते. सूत्रसंचालन भारती शेळके यांनी केले तर आभार मनीषा शिंदे यांनी मानले.
