‘व्हॉइस ऑफ मीडिया ’ची बारामती कार्यकारिणी जाहीर
पुणे : महान्यूज लाईव्ह
‘व्हॉइस ऑफ मीडिया ’ ची बारामती कार्यकारिणी जाहीर झाली असून, बारामतीच्या अध्यक्षपदी न्यूज १८ लोकमत चे प्रतिनिधी व ज्येष्ठ पत्रकार जितेंद्र जाधव यांची निवड करण्यात आली आहे. ‘व्हॉईस ऑफ मीडिया ’चे प्रदेशाध्यक्ष अनिल म्हस्के, प्रदेश उपाध्यक्ष अजित कुंकुलोळ यांनी जितेंद्र जाधव यांची निवड केली.
‘व्हॉइस ऑफ मीडिया ’ ही संघटना देशातील पत्रकारांची अव्वल संस्था म्हणून ओळखली जात आहे. कृतिशील कार्यक्रमामुळे महाराष्ट्र राज्यातील सर्व पत्रकारांनी ‘व्हॉइस ऑफ मीडिया ’त आपला हिरीरीने सहभाग नोंदविला आहे. राज्यातील महत्त्वाच्या ठिकाणी ‘व्हॉईस ऑफ मीडिया ’ संघटनात्मक बांधणीचा महत्वाचा टप्पा म्हणून उर्वरित शहरात आपल्या कामाची सुरुवात करीत आहे.
याचाच एक भाग म्हणून बारामती कार्यकारिणीची नुकतीच घोषणा करण्यात आली. यात बारामतीचे अध्यक्ष म्हणून जितेंद्र जाधव यांची निवड करण्यात आली. ‘व्हॉइस ऑफ मीडिया ’चे संस्थापक व राष्ट्रीय अध्यक्ष संदीप काळे, महाराष्ट्र प्रदेशाध्यक्ष अनिल मस्के, पश्चिम महाराष्ट्र समन्वयक व राज्य उपाध्यक्ष अजित कुंकुलोळ यांनी जाधव यांचे अभिनंदन केले.
जितेंद्र जाधव यांनी उर्वरित कार्यकारिणीची निवड करून घोषणा केली. ती कार्यकारणी पुढीलप्रमाणे कार्याध्यक्षपदी झी २४ तास वृत्त वाहिनीचे प्रतिनिधी जावेद मुलाणी, उपाध्यक्षपदी साम मराठी वाहिनीचे प्रतिनिधी मंगेश कचरे, सरचिटणीसपदी महान्यूज लाईव्ह चॅनलचे संपादक ज्ञानेश्वर रायते, खजिनदारपदी जय महाराष्ट्र न्यूज चॅनेलचे प्रतिनिधी नवनाथ बोरकर, कार्यवाहक म्हणून आज तक चे प्रतिनिधी वसंत मोरे, संघटक म्हणून लोकशाही वृत्तवाहिनीचे प्रतिनिधी विकास कोकरे, प्रसिद्धीप्रमुखपदी टिव्ही ९ मराठी वाहिनीचे प्रतिनिधी नविद पठाण यांची नियुक्ती करण्यात आली, तर सदस्य म्हणून एबीपी माझाचे प्रतिनिधी जयदीप भगत, पुढारी न्यूज चॅनलचे प्रतिनिधी जयकुमार जाधव, प्रशांत तुपे यांची निवड करण्यात आली आहे.
नवनियुक्त अध्यक्ष जितेंद्र जाधव यांनी आगामी काळात पत्रकारांच्या समस्या सोडविण्यासाठी आम्ही पुढाकार घेणार आहोत. बारामती शाखेच्या वतीने लवकरच महत्त्वाचे उपक्रम हाती घेतले जाणार आहेत. या सर्व उपक्रमात सर्व पत्रकारांनी सहभागी व्हावे, असे आवाहन केले आहे.
