बारामती : महान्यूज लाईव्ह
भाकरीच्या शोधात उत्तर प्रदेश, बिहार सोडून महाराष्ट्रात कामासाठी येणाऱ्या परप्रांतीय मजुरांचा जीव किती क्षुल्लक आहे, माणसाला माणसाची किंमत उरलेली नाही आणि याच मजुरातील गुन्हेगारी प्रवृत्ती किती विकृत थराला पोचली आहे हे दाखवणारी ही घटना बारामती तालुक्यातील नारोळी गावच्या परिसरातील!
नारोळी गावच्या परिसरात एका फार्म हाऊसचे काम सुरू होते. या फार्म हाऊसच्या परिसरात दुर्गंधी सुटली. तिथे भटकी कुत्री जमा झाली आणि त्यांनी मुरमाचा ढिगारा उकरला आणि चक्क मानवी मृतदेह दिसून आला. अनपेक्षितरित्या दिसून आलेल्या या घटनेने सगळीकडे खळबळ उडाली.
या घटनेची स्थानिकांकडून मिळालेली प्राथमिक व थोडक्यात माहिती अशी, नारोळी परिसरात एका फार्महाऊसचे काम सुरू होते. याचे काम एका परप्रांतीय ठेकेदाराकडे दिले होते. सांगितल्या जात असलेल्या माहितीनुसार ठेकेदाराने त्याचे दोन मजूर येथे कामाला ठेवले होते करत होते. या दरम्यान चार-पाच दिवसांपूर्वी या मजुरांमध्ये वाद झाला आणि या वादातून मजुराचा खून झाला.
या घटनेनंतर तिथून मजूर पसार झाला. मात्र आज मुरमाचा ढिगारा कुत्र्यांनी उकरल्यानंतर मजुराचा मृतदेह आढळून आल्याने खळबळ उडाली. दरम्यान पोलीस सूत्रांनी दिलेल्या माहितीनुसार ही घटना 22 सप्टेंबर 2025 ते 26 सप्टेंबर 2025 दरम्यान घडली. या घटनेत गणेश शंकर चव्हाण (वय 49 वर्षे, मुळ रा आद्रहळी ता. शिराटी जि. गदक राज्य कर्नाटक सध्या रा नारोळी ता. बारामती जि.पुणे) या मजूराचा मृत्यू झाला. त्याचा सहकारी नागेश चंदबसप्पा बुधियाला (मुळ रा राज्य कर्नाटक पुर्ण पत्ता माहीत नाही) याने हा खून केला. त्याच्यावर सुपा पोलीस ठाण्यात बी.एन.एस कलम 103, 238 नुसार गुन्हा दाखल करण्यात आला आहे.
नागरिकांनी काय सांगितलं?
दरम्यान गावातील नागरिकांनी सांगितले की, या घटनेला चार दिवस उलटल्यानंतर मुरमाखालील मृतदेहाची दुर्गंधी वाढली. परिसरातील कुत्र्यांनी ढिगारा उकरला असता त्यातून मानवी मृतदेह दिसून आला. यानंतर गावात सगळीकडे खळबळ उडाली. पोलीस पाटील आणि पदाधिकाऱ्यांना याची माहिती दिल्यानंतर पोलीसही घटनास्थळी पोहोचले. या प्रकरणात पोलीस हवालदार रूपेश दिनानाथ साळुंके (वय 40 वर्षे, धंदा नोकरी पोलीस हवालदार सुपा पोलीस स्टेशन) त्यांनी फिर्याद दिली. फौजदार जिनेश कोळी पुढील तपास करत
