कागल तालुक्यातील सोनाळी येथील वरद रवींद्र पाटील या सात वर्षीय बालकाचा त्याच्या वडिलांच्या मित्रानेच बळी घेतला. हा प्रकार नरबळीचा असल्याचा संशय ग्रामस्थांनी व्यक्त केला असून पोलिसांनी मात्र ही शक्यता तूर्तास नाकारली आहे.
वरद याचा त्याच्या आजोळी सावर्डे बुद्रुक येथे मृतदेह आढळून आला. संशयित दत्तात्रय ऊर्फ मारुती तुकाराम वैद्य ( वय ४५, रा. सोनाळी ) याला मुरगूड पोलिसांनी ताब्यात घेतले. दत्तात्रय हा वरदचे वडील रविंद्र पाटील यांचा मित्र आहे. या घटनेनंतर परिसरात संतापाची लाट उसळली. अजून या घटनेचे खरं कारण समोर आलेले नाही.
पोलीस सूत्रांकडून मिळालेल्या माहितीनुसार,
सोनाळी ( ता. कागल ) येथील सात वर्षांचा वरद मंगळवारी सायंकाळी त्याच्या आजोळी सावर्डे बुद्रुक येथे कुटूंबियांसह गेला होता. मामाच्या घरी वास्तुशांती होती. रात्री आठ वाजता तो घरातून बाहेर पडला. बराच वेळ तो घरी परत न आल्याने नातेवाईकांनी शोधण्याचा प्रयत्न केला पण तो सापडला नाही. अखेर त्याच्या अपहरणाचा संशय व्यक्त करणारी फिर्याद मुरगूड पोलिसांत पालकांनी दिली.
दोन दिवस तपास करीत असताना पोलिसांनी तो ज्याच्याबरोबर बाहेर पडला, त्या दत्तात्रय वैद्य याच्याकडे चौकशी केली. तेव्हा धक्कादायक प्रकार उघडकीस आला. त्याने आपणच वरदचा खुन करुन मृतदेह लपविल्याची माहिती दिली.
काल पोलिसांनी वैद्य याला बरोबर घेऊन सावर्डे गावात लक्ष्मीनगर भागात जाऊन वरदचा मृतदेह शोधून काढला. या घटनेनंतर परिसरात संतापाची लाट उसळली. सोनाळी व सावर्डे येथील ग्रामस्थांनी मोठी गर्दी केली.
आरोपीला समोर आणल्याशिवाय आम्ही मृतदेह हलवू देणार नाही अशी भूमिका लोकांनी घेतली. त्यानंतर पोलिसांनी मोठा बंदोबस्त ठेवला यावेळी उपविभागीय पोलिस अधिकारी आर आर पाटील मुरगुड चे सहाय्यक निरिक्षक विकास बडवे यांनी नागरिकांना शांत करण्याचा प्रयत्न केला मात्र लोक संतप्त होते.
दरम्यान दत्तात्रय वैद्य याला मूल नव्हते, त्यामुळे मूल होण्यासाठी त्याने मित्राच्या मुलाचा बळी दिला असा आरोप ग्रामस्थांमधून होत होता. दरम्यान या संदर्भात अजूनही पोलिसांनी पुष्टी दिली नाही. तपासात या मधील खरे कारण समोर येईल असे पोलिसांनी स्पष्ट केले.
पोलिस अधिक्षक शैलेश बलकवडे,अप्पर पोलिस अधिक्षक तिरुपती काकडे यांनी भेट दिली. अधिक तपास फौजदार किशोर खाडे, के.डी.ढेरे, सतीश वर्णे, स्वप्निल मोरे, संदिप ढेकळे, राम पाडळकर आदी करत आहेत.
बारामती : महान्यूज लाईव्ह उपमुख्यमंत्री अजित पवार रविवारी बारामतीच्या दौऱ्यावर आहेत. नेहमीप्रमाणे सकाळी विकास कामांची…
भाऊकी आणि गावकी कोणत्या थराला जाईल याचा काही नियमच उरलेला नाही मात्र सख्ख्या भावानेच आपल्या…
संदीप मापारी पाटील, बुलढाणा जगप्रसिद्ध लोणार हे उल्कापातामुळे सगळ्यांनाच माहित आहे, पण लावणासूर राक्षसाच्या नावावरून…
राजेंद्र झेंडे, महान्यूज लाईव्ह दौंड : दौंड तालुक्यातील ग्रामपंचायत हद्दीत असलेल्या ५९ बेकायदा होर्डिंगवर दौंड…
कोल्हापूर : महान्यूज लाईव्ह राजकारणापायी माझं घर उध्वस्त झालं.. राजकारण नंतर करा, अगोदर आपापल्या पोटाचे…
पुणे : महान्यूज लाईव्ह विजेचा कडकडाट होतो, तेव्हा साहजिकच साऱ्यांनाच धडकी भरते. वीज जवळ कोसळली…