विक्रम वरे : महान्यूज लाईव्ह
बारामती : पुणे येथील प्रशिक्षणार्थी IAS अधिकारी डॉ. पूजा खेडकर अचानक चर्चेत आल्या. बदली झाल्यानंतर त्या चर्चेत आल्या. पूजा खेडकर यांनी प्रबोशनमध्ये असताना विशेष अधिकारांची मागणी केली. त्यात लाल दिव्याची गाडी, व्हीआयपी नंबर प्लेट, खासगी ऑडी कारवर लावलेला महाराष्ट्र सरकारचा बोर्ड, अतिरिक्त कर्मचाऱ्यांची मागणी या सर्व प्रकारामुळे पूजा खेडकर प्रसिद्धीस आल्या.
IAS पूजा खेडकर कुटुंबियांकडे 110 एकर जमीन, 7 फ्लॅट्स, 1 लाख स्केअर फुटाची 6 दुकाने आहेत.पूजा खेडकर यांच्या नावावर देखील 17 कोटींची संपत्ती आहे.त्यांच्या वडिलांनी निवडणूक शपथपत्रात 40 कोटींची संपत्ती दाखवली. त्यानंतर पूजा यांनी नॉन क्रिमिलेअर ओबीसींमधून काढले होते.
परंतु आता पूजा खेडकर यांचे बारामती कनेक्शन उघडकीस आले आहे. त्यांची बारामती तालुक्यातील निरा बारामती रोड वाघळवाडी येथे १४ गुंठे रोड टच जमीन आहे. ही जमीन खेडकर कुटुंबाची आहे.त्या ठिकाणी प्लॉट विकणे आहे. असा फलक लावण्यात आला आहे. त्या जमिनीची किंमत सव्वा ते दीड कोटी आहे.
माहिती अधिकार कार्यकर्ते विजय कुंभार यांनी जो तपशील सांगितला आहे, तो मुळशी तालुक्यातील २५ एकराचा आणि बारामती तालुक्यातील वाघळवाडी गावचा गट क्रमांक ८ मध्ये ही जमीन आहे. जी खेडकर कुटुंबाच्या नावावर आहे. विजय कुंभार यांनी ट्विट करत ही माहिती दिली आहे. त्यात बारामती तालुक्यातील वाघळवाडी गावातील गट क्रमांक ८ मधील १४ गुंठे शेतजमिनीचा उल्लेख आहे. त्यांच्याकडील ही बेहिशोबी मालमत्ता आहे. या सर्व गोष्टींची चौकशी झाली पाहिजे,अशी मागणी माहिती अधिकार कार्यकर्ते विजय कुंभार यांनी केली आहे.
