राज्यात रक्तदानाची चळवळ वाढण्याची गरज : राजवर्धन पाटील
सुरेश मिसाळ : महान्यूज लाईव्ह
इंदापूर : भाजपा नेते व माजी मंत्री हर्षवर्धन पाटील यांच्या वाढदिवसानिमित्त कर्मयोगी शंकररावजी पाटील सहकारी साखर कारखान्यावर घेण्यात आलेल्या रक्तदान शिबिरात 161 कर्मचाऱ्यांनी रक्तदान केले.
रक्तदान शिबिराचे उद्घाटन इंदापूर तालुका भाजप युवा मोर्चा कोअर कमिटीचे अध्यक्ष राजवर्धन पाटील यांनी केले. यावेळी बोलताना राजवर्धन पाटील म्हणाले की, राज्यामध्ये अनेकवेळा रक्तदानाचा तुटवडा जाणवतो. अनेक रुग्णांना आवश्यक असणारे रक्त वेळेवर मिळत नाही. त्यामुळे रक्तदान शिबिरांची गरज आहे. रक्तदान हे श्रेष्ठ दान असल्याचे म्हटले जाते. आताच्या परिस्थितीत समाजामध्ये रक्तदानाची चळवळ मोठ्या प्रमाणावरती वाढीस लागण्याची आवश्यकता आहे.
यावेळी कारखान्याचे संचालक वसंत मोहोळकर, पराग जाधव, राहुल जाधव, आबासाहेब शिंगाडे, प्रवीण देवकर, छगन भोंगळे, भूषण काळे, कुबेर पवार आदींसह संचालक कार्यकारी संचालक देवराव लोकरे, अधिकारी- कर्मचारी उपस्थित होते. या रक्तदान शिबिरासाठी मुक्ताई ब्लड बँक इंदापूर यांनी रक्त संकलन केले.
