उत्पादन शुल्क विभागाचे खेडशिवापूर येथे मोठी कारवाई
पुणे सातारा महामार्ग वरती खेड शिवापुर टोलनाका या ठिकाणी राज्य उत्पादन शुल्क विभागाने बनावट दारू वाहतुक करणारा कंटेनर पकडला . कंटेनरमध्ये सुमारे 85 लाख रुपये किमतीची बनावट दारू
जीवन सोनवणे : महान्यूज लाईव्ह
भोर : मंगळवारी रात्री आठच्या सुमारास राज्य उत्पादन शुल्क मंत्री शंभूराजे देसाई यांच्या उपस्थितीत उत्पादन शुल्क विभाग पुणे यांच्या वतीने खेड शिवापुर टोलनाक्यावरती ही कारवाई करण्यात आली. त्यामध्ये सुमारे 85 लाख रुपये किंमतीची बनावट दारू पकडण्यात यश आले आहे. यामध्ये जनवारी फमराख लाल, राम नगर जोधपूर राजस्थान याला अटक करण्यात आले आहे.
मिळालेल्या माहितीनुसार गोव्यावरून मोठ्या प्रमाणामध्ये बनावट दारू ही महाराष्ट्रात विक्रीसाठी आणली जात असते या प्रकारची माहिती राज्य उत्पादन शुल्क विभागाकडे होती. माहिती नुसार NL 01 AA 7112 हा कंटेनर गोव्यावरून बनावट दारू घेऊन मुंबईच्या दिशेने चालला आहे अशा प्रकारची माहिती संबंधित विभागाला मिळाली होती.
राज्य उत्पादन शुल्क विभागाच्या वतीने संबंधित कंटेनरचा पाठलाग केला जात होता. आज जेव्हा रात्री आठ च्या सुमारास हा कंटेनर खेड शिवापुर टोल नाका पास करून पुढे आला असता राज्य उत्पादन शुल्क विभागाच्या अधिकारी व कर्मचाऱ्यांनी ट्रक तपासासाठी अडवला असता त्यामध्ये विविध कंपन्यांची लेबल असलेल्या दारूच्या बाटल्या पोती व बॉक्समध्ये भरलेली आढळून आल्या आहेत.
पकडलेल्या कंटेनर मधील मुद्देमालाची किंमत सुमारे 85 लाख रुपये असल्याची माहिती संबंधित विभागाच्या वतीने देण्यात आली विशेष म्हणजे या कारवाईमध्ये राज्य उत्पादन शुल्क मंत्री शंभूराजे देसाई यांनी सहभाग घेतला होता.
महाराष्ट्र मध्ये बनावट दारू विक्री अक्षम्य गुन्हा असून अशा गुन्हेगारांवर कडक कारवाई करण्यात येणार आहे त्याचबरोबर सदर गुन्ह्याया मध्ये खूप मोठे रॅकेट असण्याची शक्यता असून त्याचा उलगडा लवकरच होईल, सदर कारवाई केल्याबद्दल कारवाई मध्ये सहभागी सर्व अधिकारी कर्मचाऱ्यांच त्यांनी कौतुक केलं. त्याचबरोबर पोलिसांप्रमाणे राज्य उत्पादन शुल्क विभागाच्या ही कर्मचाऱ्यांचा कौतुक सोहळा कसा करता येईल याबद्दल लवकरच विभागाच्या वतीने मीटिंग घेतली जाईल असे पत्रकारांशी बोलताना शंभूराजे देसाई म्हणाले.
सदर कारवाई राज्य उत्पादन मंत्री शंभूराज देसाई, राज्य उत्पादन शुल्क पुणे विभागीय उपायुक्त मोहन वर्द्रे यांच्या मार्गदर्शनाखाली पोलीस अधीक्षक सी पी राजपूत, निरीक्षक प्रवीण शेलार, दीपक सुपे, उपनिरीक्षक प्रदीप मोहिते, एस के काणेकर, विजय चौधरी,राम सुपे,अक्षय मेहेत्रे,भागवत राठोड,संदीप सुर्वे,सुनील कुदळे,तात्या शिंदे,दत्ता पोलावरे,रणजित चव्हाण,समीर पडवळ, संदीप मांडवेकर, रामेश्वर चावरे यांनी केली.
