दौलतराव पिसाळ : महान्यूज लाईव्ह
वाई तालुक्यात एका हॉटेल व्यवसायिकाला पिस्तुलाचा धाक दाखवून त्याच्याकडे दहा लाख रुपयांची खंडणी मागणाऱ्या व दरोडा टाकणाऱ्या १५ जणांच्या टोळीपैकी ११ जणांना सातारा स्थानिक गुन्हे शाखा व भुईंज पोलिसांच्या संयुक्त कारवाईत जेरबंद करण्यात आले.
१ जून २०२३ रोजी दुपारी १.१५ वाजण्याच्या सुमारास मेणवली (ता. वाई जि. सातारा) येथील एका हॉटेल व्यवसायिकाला पिस्तुल रोखून त्याचेकडे १० लाख रुपयाच्या खंडणीची मागणी केली व त्यास जीवे ठार मारण्याची धमकी देऊन त्याच्या गळयातील दीड तोळे वजनाची सोन्याची चेन जबरीने ओढून चोरी केली. त्यास धक्काबुक्की व मारहाणही केली होती.
गुन्हयाचे गांभिर्य लक्षात घेऊन साताऱ्याचे पोलीस अधीक्षक समीर शेख, अपर पोलीस अधीक्षक बापु बांगर यांनी गुन्हयातील आरोपींचा शोध घेऊन त्यांना ताब्यात घेण्याच्या सूचना स्थानिक गुन्हे शाखेचे पोलीस निरीक्षक अरूण देवकर, परिविक्षाधीन पोलीस उपअधिक्षक अजय कोकाटे
यांना दिल्या.
भुईंज पोलीस ठाण्याचे सहायक निरीक्षक रमेश गर्जे, स्थानिक गुन्हे शाखेचे सहायक निरीक्षक संतोष पवार, सहायक निरीक्षक रविंद्र भोरे, फौजदार विश्वास शिंगाडे, फौजदार अमित पाटील यांच्या अधिपत्याखाली वेगवेगळी तपास पथके तयार करुन गुन्हयातील आरोपींचा शोध घेतला असता त्यांना ताब्यात घेण्याचे आदेश दिले.
त्यानुसार १) अनिकेत ऊर्फ बंटी जाधव रा. भुईज ता. वाई जि. सातारा, २) निखिल शिवाजी मोरे रा. गंगापूरी, वाई ता. वाई जि. सातारा, ३) अभिजीत शिवाजी मोरे रा. गंगापूरी, वाई ता. वाई जि. सातारा., ४) आरिफ सिकंदर मुल्ला वय ४३ वर्षे धंदा चालक रा. भुईंज ता. वाई, ५) सागर तुकाराम मोरे वय ३४ वर्षे धंदा- वेटर रा. भुईज ता. वाई
६) अभिमन्यू शामराव निंबाळकर वय २५ वर्षे रा. भुईंज ता. वाई, ७) सुरज मुन्न शेख वय २१वर्षे धंदा चिकन सेंन्टर रा. भुईंज ता. वाई, ८) संदिप सुरेश पवार वय-२३वर्षे धंदा मजूरी रा. भुईंज ता. वाई, ९) क्षितीज ऊर्फ सोन्या विरसेन जाधव वय १९ वर्षे धंदा-शिक्षण रा. भुईंज ता. वाई, १०) गिरिश दिलीप गवळी वय-२५वर्षे धंदा-हॉटेल रा. भुईंज ता. वाई,
११) प्रज्वल बाळकृष्ण पवार वय-२३वर्षे धंदा- सिक्यूरीटी गार्ड रा. भुईज, ता.वाई, १२) प्रतिक प्रकाश सुर्यवंशी वय-२८ वर्षे धंदा-हॉटेल रा. भुईंज ता. वाई, १३) अमोल महामुलकर रा. महामुलकरवाडी, भुईंज ता. वाई, १४) रत्नाकर मधूकर क्षीरसागर वय-२८ वर्षे धंदा चालक रा. भुईंज ता. वाई, १५) निलेश उमेश मोरे वय २५ वर्षे धंदा-खाजगी नोकरी रा. भुईंज ता. वाई यांच्यावर गुन्हा नोंद करण्यात आला. त्यातील अकरा जणांना ताब्यात घेतले आहे.
तपास पथकांनी सर्वप्रथम घटनेच्या ठिकाणची प्रत्यक्ष पाहणी करुन, चौकशी करून, सी. सी. टी. व्ही. फुटेजची पाहणी करुन तसेच तांत्रिक तपासाचा आधार घेऊन गुन्हयातील आरोपी निष्पन्न केले. गुन्हयाचा पुढील तपास वाई पोलीस स्टेशनचे पोलीस निरीक्षक श्री. बाळासाहेब भरणे हे करीत आहेत.
