दौंड : महान्यूज लाईव्ह
दौंड तालुक्यातील खडकी येथे पत्नीला मारहाण करून अपहरण करून पत्नीचा खून केलेल्या आरोपी संतोष पवार याला दौंड पोलीस न्यायालयाने पाच दिवसांची पोलीस कोठडी सुनावली आहे. ही माहिती पोलीस निरीक्षक भाऊसाहेब पाटील यांनी दिली.
खडकी येथील संतोष अहि-या पवार याने त्याची पत्नी सुरेखा हीला १९ मे रोजी मारहाण करून अपहरण करून नंतर तिचा खून करून मृतदेह लोणारवाडी गावच्या हद्दीत उसाच्या शेतात टाकून दिल्याची धक्कादायक घटना घडली होती. या प्रकरणी पोलीस निरीक्षक भाऊसाहेब पाटील यांनी अपहरणाची तक्रार दाखल होताच तपासाची सूत्रे हलविली.
अवघ्या चार दिवसाच्या आत मृतदेह शोधून काढत अपहरण केल्याच्या गुन्ह्याचा छडा लावला. या प्रकरणी आरोपी पती संतोष पवार याला गुरुवारी (दिनांक २५) दौंड न्यायालयात हजर केले असता दौंड न्यायालयाने अधिक तपासासाठी ५ दिवस पोलीस कोठडी ठेवण्याचे आदेश दिले.
यात दौंड पोलीस ठाण्यात २० मे रोजी अपहरणाचा गुन्हा दाखल करण्यात आला होता. चार दिवसांच्या आत दौंड पोलिसांनी आरोपी ला ताब्यात घेत या गुन्ह्याचा छडा लावत मृतदेह शोधून काढला. ही कामगिरी पोलीस निरीक्षक भाऊसाहेब पाटील, स्थानिक गुन्हे अन्वेषण शाखेचे पोलिस निरीक्षक अविनाश शिळीमकर,राजु मोमीन, सहाय्यक पोलीस निरीक्षक अरविंद गटकुळ, फौजदार शहाजी गोसावी, गुन्हे अन्वेषण शाखेचे फौजदार अमितसिंह पाटील. कोकरे, राजापुरे, असिफ शेख, फौजदार जाधव, सहाय्यक फौजदार कुंभार, पोलीस हवालदार सुभाष राऊत, जे.एन. मलगुंडे, पांडुरंग थोरात, विठ्ठल गायकवाड, गावडे, अमीर शेख, शरद वारे, शैलेश हंडाळ, भागवत, सागर गलांडे, योगेश गोलांडे, अमोल देवकाते आदींच्या पथकाने केली.
दरम्यान, दौंड पोलीस निरीक्षक भाऊसाहेब पाटील आणि त्यांच्या टीमने तसेच स्थानिक गुन्हे शाखेच्या पोलीस कर्मचाऱ्यांनी या घटनेचे गांभीर्य लक्षात घेऊन आरोपी ताब्यात घेत या गुन्ह्याचा गुन्ह्याचा छडा लावल्याने वरिष्ठ पोलीस अधिकाऱ्यांनी या पोलीस पथकांचे विशेष कौतुक केले आहे.
