दौलतराव पिसाळ : महान्यूज लाईव्ह
वनविभागाने वाई तालुक्यातील कवठे गावच्या हद्दीत विनापरवाना व विना पास चे डबल एक लाख 34 हजाराचे रायवळ जातीचे लाकूड वाहतूक होत असताना पकडले.
याबाबत कोणी भागाला कवठे गावातून माहिती मिळाली होती या माहितीवरून कवठे गावच्या हद्दीत 20 मे 2023 रोजी सातारा- पुणे महामार्गालगत सर्व्हिस रोडवर फिरती तपासणी करताना विठ्ठल बाबुराव पवार (रा. कवठे ता. वाई जि. सातारा) हे स्वराज्य 744 FE कंपनीच्या (क्र MH-11 U 3546) ट्रॅक्टरमधून रायवळ लाकूड विनापास विनापरवाना वाहतूक करताना आढळून आले.
अवैध वाहतूक केल्याप्रकरणी भारतीय नियम 1927 चे कलम 14(ब) चे उल्लंघन झाले म्हणून बोपेगावच्या वनरक्षकांना विनापरवाना वाहतुकीचा वनगुन्हा नोंद केला आहे. या कारवाईमध्ये सुमारे एक लाख 33 हजार 928 रुपये किमतीचा मुद्देमाल जप्त करण्यात आला.
ही कारवाई उपवनसंरक्षक उत्तम सावंत, सहाय्यक वनसंरक्षक श्री महेश झांजुर्णे यांचे मार्गदर्शनाखाली वाई वनविभागाच्या वनपरिक्षेत्र अधिकारी स्नेहल मगर, वनपाल व्ही एम चौरे यांनी कारवाई केली.
