बारामती : महान्यूज लाईव्ह
दरवर्षीप्रमाणे बारामतीतील श्रद्धेचा व प्रसिद्ध असलेला श्रीमंत आबा गणपती या गणपतीस मे महिन्यातील उष्णतेच्या पार्श्वभूमीवर गणपती बाप्पा मूर्तीस शीतलता वाटावी यासाठी सुगंधी चंदनाचा लेप, महाप्रसाद व सोबत प्रसाद म्हणून लिंबू सरबताचा रस हा श्री ना दाखवण्यात आला.
मार्च ते मे महिन्यात माणसाच्या शरीराची उष्णता कमी व्हावी म्हणून माणूस स्वतः साठी ज्याप्रमाणे निरनिराळे प्रयोग करतो, त्या प्रमाणे हिंदू धर्मात गुडी पाडवा ते मृग मृगनक्षत्र निघेपर्यंत आपल्या देवी देवतांना उष्णतेचा दाह कमी जाणवावा, मूर्तीस थंडावा जाणवावा यासाठी एक श्रद्धेचा भाग म्हणुन चंदन उटीचा लेपन करण्यात येते.
बारामतीकरांचे श्रद्धास्थान असलेल्या श्रीमंत आबा गणपतीच्या मूर्तीस चंदन उटीचे लेपन करण्यात आले. यानिमित्ताने मंदिरास फुलांची सजावट देखील करण्यात आली होती. सायंकाळी भजन व कीर्तन होऊन श्रीमंत आबा गणपती बाप्पाची आरती सुरेश लाखे, सागर अवघडे, गुणवंत जाधव यांच्या हस्ते करण्यात आली.
आरती झाल्यानंतर श्रीच्या मूर्तीस चंदन उटीचा लेप लावण्यात आला. यावेळी गणेश भक्तांसाठी महाप्रसादाचे आयोजन करण्यात आले. तांदूळवाडी वेस तरूण मंडळाचे सुनील लडकत, रमेश पंजाबी,निखिल लोंढे, अविनाश भापकर, प्रकाश पळसे, श्रीकांत जाधव, संजय गुळवे, मोहन पंजाबी, दिनकर जाधव, कपिल सावंत,रोहित पाटील, अतुल भागवत, स्वप्नील भागवत, अमर लोहोकरे, प्रमोद बुलबुले, लल्लू ढवळे, चेतन जाधव, निलेश गायकवाड, प्रकाश फडतरे, शांताराम बागल, अरुण नलवडे, प्रेमराज गायकवाड, तेजस गायकवाड, अनिरुद्ध गुजर यांनी योगदान दिले.
